Азия біріншілігіне 18 елден келген 200 шақты спортшы қатысып жатыр

27-30 қазан аралығында Тәжікістан астанасы Душанбе қаласында ММА бойынша Азия чемпионаты өтуде. Азия біріншілігіне 18 елден келген 200 шақты спортшы қатысып жатыр. Қазақстанның атынан ММА бойынша ұлтық құрамасының 37 спортшысы бақ сынайды.

Жарыстың алғашқы күні 7 қазақ жауынгері өнер көресетті. Бірінші болып, октагонға жастар арасындағы 65,8 келіге дейін жеңіл салмақ БҚО тумасы Самғат Шабдан шықты. Қарсыласы Муродилло Бахриллоевты екінші раунда техникалық нокаутпен жеңді.

Сол салмақтағы екінші қазақстандық жауынгер шымкенттік Абай Жалал Мехди Наджафи Калхоранға еш мүмкіндік бермей, бірінші раундтың аяғына жеткізбей, «гильотина» қылқындыру әдісін қолданып, жеңіске жетті.

Ересектер арасындағы 83,9 кг дейін орта салмақтағы Жетісу облысының спортшысы Санжар Жақсылықбаев тәжікістандық қарсыласы Мехроджон Мирзоевпен тартысты жекпе-жек өткізіп, төрешілердің шешімі бойынша ұтылды.

Жастар арасында 77,1 келіге дейінгі салмақ дәрежесінде Қарағандылық Даниил Губин Тәжікістан спортшысы Исо Мухторовпен толық і раунд бойы жұдырықтасып, төрешілердің шешімімен жеңіске жетті.

Осы салмақта өнер көрсеткен тағы бір Қарағанды облысының өкілі Александр Ивашкин қарсыласы Ливан елінің споршысы Чарбэль Фарахтың «үшбұрыш» қылқындыру әдісіне түсіп, шыға алмай, жекпе-жектен бас тартуға мәжбүр болды.

Келесі жекпе-жекте ересектер арасында орта салмақ дәрежесіндегі Жетісу облысының спортшысы Жақсыбек Аймаханов чемпионат фавориті байхрейндік Магомед Исаевке үш раунд бойы қысым жасап, төрешілердің бірауыз шешімімен жеңіске жетті.

Қазақстан құрамасы үшін бүгінге соңғы жекпе-жекте Жетісу облысының тумасы Еркебұлан Бегасылұлы шықты. Төрешілер жеңісті Еркебұлан қарсыласы өзбекстандық Шукурджон Рустамовқа берді.

Ертең, 28 қазанда, жарыстың ширек финалында қазақстандық 22 спортшы бақ сынайды.

Қазақстандық Бірлескен ММА федерациясының бас серіктесі «Самұрық-Қазына» ҰӘҚ» АҚ, серіктесі SPORT QORY спортты дамыту қоры.

Қазақстандық Біріккен ММА федерациясының

баспасөз-қызметі

Мадина Уразмбетова

+7 708 944 08 97

pr@kazmma.kz