Балалар құтқарушыларда қонақта

1 маусым балаларды қорғау күніне орай Тараз қаласы №2 мамандандырылған өрт сөндіру бөлімінің аумағында “ Өмірлік қиын жағдайдағы балаларды қорғау” орталығының балаларының қатысуымен  ашық есік күні өткізілді. Балалар өрт сөндіру бөлімінің аумағындағы алаңға бормен өздерінің қиялдарындағы суреттерді салған олар одан әрі өрт сөндіруші-құтқарушы ағаларына арнап өлең оқып берді.  Сонымен қатар өрт сөндіру-құтқару техникаларымен және жарақтарымен танысты. Одан әрі олар өрт сөндірушілердің тарихи мұражайына да бас сұқты. Шара соңында балаларға тәтті балмұздақтар мен шырынды сусындар таратылды. Балалар да өз кезегінде құтқарушыларға алғыстарын білдіріп, олармен естелік үшін суретке түсті.

Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы