Бауырластық туралы хадис

Ибн Омар (Оған Алланың рақымы болсын) жеткізген хадисте: «Алла елшісі (Оған Алланың игілігі мен сәлемі болсын): Мұсылман — мұсылманның бауыры. Нағыз мұсылман бауырына озбырлық жасамайды, оны сатпайды. Кімде-кім мұсылман бауырының қажетіне жараса, Алла Тағала да оның қажетін өтейді. Кімде-кім мұсылман бауырының қайғы-мұңын сейілтсе, Алла Тағала оны қиямет-қайымның бір қайғысынан құтқарады. Сондай-ақ, кімде-кім мұсылманның айыбын жасырса, Алла Тағала да қиямет күні оның айыбын жасырады — деп айтты» — делінген.