Баянауыл өңірінде Шәкен Айманов оқулары өтті
Театр мен кино өнерінің саңлағы, қазақ халқының тұңғыш кәсіби кинорежиссері Шәкен Аймановтың дүниеге келгеніне биыл 105 жыл толып отыр. Біртуар дарын иесінің мол мұрасын насихаттау, өнегелі өмір жолын жас ұрпаққа үлгі ету мақсатында Баянауылда дәстүрлі «Шәкен Айманов оқулары» өткізілді.
Талапты жастардың табиғи талантын ұштап, дарындарын анықтау мақсатында ұйымадстырылған байқауға Баянауыл аудандық білім бөлімі мен «Ертіс дарыны» өңірлік қосымша білім беру орталығы мұрындық болды.
Шәкен Айманов атындағы мектеп-интернатында өткен оқуларына дарынды тұлғаның немере інісі Мұзапаров Тоғжан демеушілік жасап, Баянауыл ауданының бірқатар жомарт азаматтары қаржылай көмек көрсетті.
Оқушылардың өнерлерін облыстық «Өрлеу» педагог қызметкерлерінің біліктілікті артттыру институтының мамандары, «Ертіс дарыны» өңірлік қосымша білім беру орталығының әдіскерлері, Павлодар мемлекеттік педагогикалық университетінің оқытушылары, «Жас дарын» мамандандырылған мектебінің музыка пәндерінің мұғалімі және Баянауыл ауданының ардагер ұстаздары баға беріп, бірнеше номинация бойынша қазылық жасады.
Облыстық оқуларға Екібастұз, Павлодар қаласынан, Ақтоғай және Баянауыл аудандарының мектептерінен 113 оқушы қатысты.
Әділ қазылар алқасының шешімімен «Сахна саңлағы» номинациясында бірінші орынға Ш.Айманов атындағы жалпы орта білім беру мектеп-интернаты лайықты деп танылса, ІІ дәрежелі дипломмен Д. Рахметов атындағы жалпы орта білім беру мектебі және Шөптікөл жалпы орта білім беру мектебі; ІІІ дәрежелі дипломмен Ә.Марғұлан атындағы жалпы орта білім беру мектебі, Лекер негізгі мектебі және Екібастұз қаласының С. Торайғыров атындағы №22 жалпы орта білім беру мектебі марапатталды.
Өлеңге талабы бар жастардың өнерін сынайтын «Ақ қағаз, қалам, сия келді бізге» мүшайра бағыты бойынша 1 орынға Екібастұз қаласы №26 жалпы орта білім беру мектебінің оқушысы Бақтыбаева Аружан; 2 орынға Шадыра МБОТК оқушысы Әшім Айғаным мен Ә. Марғұлан жалпы орта білім беру мектебінің оқушысы Алданыш Шолпан теленсе, 3-ші орынға З.Ақышев атындағы жалпы орта білім беру мектебінің оқушысы Адамбекова Сандуғаш, Екібастұз қаласы №26 жалпы орта білім беру мектебінің оқушысы Қаппай Інжу және Жайма жалпы орта білім беру мектебінің оқушысы Ризаев Ерасыл лайық деп танылды.
Әншілік қабілеті бар оқушылардың өнері сынға түскен «Көңілім әнді ұғады» номинациясы оқушылардың жас деңгейіне қарай екі топ арасында өткізіліп, әуезді үнімен, сырлы әнімен қазылардың көңілінен шыққан жас әншілер дипломдармен және бағалы сыйлықтармен марапатталды.
Сурет салу, түрлі қолданбалы өнер бойынша туындыларын әкелген жас өнерпаздардың ішінде З. Ақышев атындағы жалпы орта білім беру мектебінің оқушысы Ғалымжанова Асылым І дәрежелі дипломмен; Ж.Ағаділов атындағы жалпы орта білім беру мектебінің оқушысы Нұртай Мирас пен Шадыра МБОТК оқушысы Болат Нұртілек ІІ дәрежелі дипломымен, ал, Д.Рахметов ат. жалпы орта білім беру мектебінің оқушысы Бейсен Нұржанат; С. Торайғыров атындағы жалпы орта білім беру мектебінің оқушысы Сәмен Ернар және Екібастұз қаласы С.Торайғыров атындағы №22 жалпы орта білім беру мектебінің оқушысы Балтабаева Алтынай ІІІ дәрежелі дипломдармен марапатталды.
Халқымыздың төл өнері «Айтыс» номинациясы бойынша І дәрежелі дипломмен Ақтоғай ауданы Абай ат. жалпы орта білім беру мектебінің оқушысы Бейсенбі Мәншүк, ІІ дәрежелі дипломмен Екібастұз С. Торайғыров атындағы жалпы орта білім беру мектебінің оқушысы Хайдаров Бексұлтан, Ш. Айманов атындағы жалпы орта білім беру мектеп-интернатының оқушысы Базарбай Азамат; ІІІ дәрежелі дипломмен Жаяу Мұса атындағы өнер мектебінің оқушысы Қапаш Мирас, М.Ж. Көпеев атындағы мектебінің оқушысы Әбдірахман Ерболсын және Ы. Алтынсарин ат. гимназия-интернатының оқушысы Сәулет Нұршапағат марапатталды.
Өлкетану бағытында ұйымдастырылған «Менің мектебімнің тарихы» номинациясы бойынша Ш. Айманов атындағы жалпы орта білім беру мектеп-интернатының оқушысы Толегенова Аяулым І дәрежелі дипломмен; Егіндібұлақ жалпы орта білім беру мектебінің оқушысы Заркен Мархаббат және Ж.Аймауытов ат. жалпы орта білім беру мектебінің оқушысы Дуан Елдара ІІ дәрежелі дипломмен; Шадыра жалпы орта білім беру мектебінің оқушысы Қайыртай Әсем, Сулужон жалпы орта білім беру мектебінің оқушысы Жалбай Дильназ және З.Ақышев ат. жалпы орта білім беру мектебінің оқушысы Қабдолла Дильназ ІІІ дәрежелі дипломмен марапатталды.
Сонымен қатар, оқушыларының дарынын байқап, осы жарысқа дайындап әкелген ұстаздар да марапатқа ие болды.
«Ұлағатты ұстаз, ақын Қайрат Әбенов атындағы номинация» бойынша М. Ж. Көпеев атындағы жалпы орта білім беру мектебінің мұғалімі Қабиден Арман, «Актер, халық әртісі Кәукен Кенжетаев атындағы номинация» бойынша Жаяу Мұса атындағы өнер мектебінің мұғалімі Ордабаев Арман, «Актер, халық әртісі Жанас Ысқақов атындағы номинация» бойынша Екібастұз қаласы №4 мектебінің мұғалім Кәкімсейіт Дінхан, «Ұлағатты ұстаз, ақын Камашев Сланбек атындағы номинация» бойынша Қабиден Ақжол марапатталды.
Әлихан Рахметоллаұлы