Баянауылда VIІІ Халықаралық жасөспірімдер олимпиадасы өтті

Павлодар облысы Баянауыл ауданында жас зияткерлер химия, биология, физика, математика және информатика пәндері бойынша сайысқа түсті. Олимпиада көрнекті ғалым, ғылым негізін қалаушы, Қазақстан ғылым Академиясының тұңғыш Президенті Қаныш Имантайұлы Сәтбаевтың құрметіне ұйымдастырылды.

Білім бәсекесіне барлығы 39 команда бойынша 244 оқушы қатысты. Қатысушылар еліміздің барлық облысынан және Ресей Федерациясының Саха (Якутия) Республикасы мен Новосібір қаласынан келді. Биылғы олимпиадада алғаш рет Петропавл, Атырау, Ақтөбе қалаларының командалары болды.

Олимпиада қорытындысы бойынша 11 оқушы І орынды, 21 оқушы ІІ орынды және 36 оқушы ІІІ орынды иеленді. Павлодарлық оқушылар 25 медаль алды, оның бесеуі бірінші, сегізі екінші және он екісі үшінші жүлде.

Математикалық бағытта І дәрежелі дипломмен дарынды балаларға арналған №8 лицей-мектебінің 8 сынып оқушылары Драганчук Антон, ІІІ дәрежелі дипломмен Горбатюк Святогор, Лим Владимир және Рахимжанов Динмухамед марапатталды. «Бағдарламалау» бағытында ІІІ дәрежелі дипломға дарынды балаларға арналған №8 лицей-мектебінің 7 сынып оқушысы Гончаров Матвей және «БІЛІМ-ИННОВАЦИЯ» лицейінің 8 сынып оқұшылары Хасанов Рустем, Абихас Алихан ие болды. Жаратылыстану-ғылыми бағытта ІІІ дәрежелі диплмға Павлодар қ. №39 ЖОББМ-ның 8 сынып оқушысы Ишимцева Екатерина ие болды. Математика мен физика пәндерінен жеңімпаз аталғандар: дарынды балаларға арналған №8 лицей-мектебінің 8 сынып оқушылары Уколов Иван және Драганчук Антон, ІІ дәрежелі дипломға дарынды балаларға арналған №8 лицей-мектебінің 7, 8 сынып оқушылары Лим Владимир, Рахимжанов Динмухамед, Укибаев Ануар ие болды. Химия пәнінен ІІ және ІІІ дәрежелі дипломды дарынды балаларға арналған №8 лицей-мектебінің 8 сынып оқушылары Шерстобитова Ольга мен Колдашев Эмиль және «БІЛІМ-ИННОВАЦИЯ» лицейінің 7 сынып оқұшысы Мадиев Мади иеленді. Биология пәнінен жеңімпаз Ы.Алтынсарин атындағы дарынды балаларға арналған облыстық қазақ гимназиясының 8 сынып оқушысы Хуантхан Нурсерик атанды, ІІ және ІІІ дәрежелі дипломды облыстық көп салалы дарынды балаларға арналған лицей-интернатының 8 сынып оқушысы Нурмаганбетов Бакытжан және дарынды балаларға арналған №3 гимназиясының 8 сынып оқушысы Аубакиров Руслан иеленді. География пәнінен І дәрежелі дипломмен – «Жас дарын» мамандандырылған мектебінің 8 сынып оқушысы Сапарғали Әлиасқар, ІІ дәрежелі дипломмен – Екібастұз қ. «Зерде» мамандандырылған мектебінің 8 сынып оқушысы Кингирова Айым, «Жас дарын» мамандандырылған мектебінің 8 сынып оқушысы Серикбаева Диляра марапатталды. «Ақпараттық технологиялар» пәнінен ІІ дәрежелі дипломды Екібастұз қ. №10 ЖОББМ-ның 8 сынып оқушысы Шафоростов Кирилл, ІІІ дәрежелі дипломды дарынды балаларға арналған №8 лицей-мектебінің 8 сынып оқушысы Гончаров Матвей, «БІЛІМ-ИННОВАЦИЯ» лицейінің 8 сынып оқұшысы Хасанов Рустем иеленді.

Командалық есепте Павлодар облысының командасы жеңімпаз атанып, арнайы кубокты алды. ІІ және ІІІ орынды Саха (Якутия) Республикасы Кіші ғылым Академиясы мен Атырау қаласындағы «БІЛІМ-ИННОВАЦИЯ» лицейінің оқушылар командалары өзара бөліп алды. Сонымен қатар, жеңімпаздар мен жүлдегерлерге бағалы сыйлықтар табысталды.

Өз тілшімізден