BILTE өнер академиясы алғашқы оқу жылын бастайды!
BILTE өнер академиясы дүйсенбі күні (3.09.2018) алғашқы оқу жылын бастайды!
«Алты айда актер даярлаймыз» — дегенді қуыс-қуыста күбірлей талқылап жүрген менің әріптестерім, жақын таныстарым бар екен. Кеше сол талқылаудың ортасында болған әзілкеш театрдың бір актеры айтып қалды. Таң қалдым. Достарым-оу, көшеде кездеспесек те отырмын ғой осы Фейсбукте. «Білте» жайлы жазғанымның астына ой-пікіріңді, сұрағыңды, күмәніңді жазсаңшы. Пікір-талас туар еді, оны оқыған ел ұға түсер еді. Мен қарапайым халық түсінсін деп жазып жүрдім ғой… Бірақ, енді, актер деген халық осындаймыз кейде, сырттай әңгіме еткенді ұнатамыз… Мейлі.
Оқу басталады !!! Голливуд мектебін зерделесеңіз, тіпті К.С. Станиславский кітабын ақтарсаңыз да 4-жыл оқытасың деген бағдарлама жасамаған! Бір спектакльді 2 ай, тіпті 3-4 ай дайындап сахнаға шығарсаң, әрбір образ актер үшін жаңа мектеп. Голливудтың мега жұлдыздары жаңа образ, жаңа амплуаға көшер алдында 3-6 ай барып, оқуға арланбайды. Бізде ғой көшеден табылған «актерсымақ» бір сериалға түскен соң «жұлдыз» болып қалқып кететін. Өмір бойы бір кейіптен шыға алмай жүреді сосын. Голливуд актерларының ой-өрісіне жетуге әлі ертерек екен.
Оқу басталады !!! Тұңғышбай Әл-Тарази өзі дәріс береді.Мен сосын Отар-Алы Көлжан, Рабига Агманова, Ринат Уалиев тағы біраз би, вокал, сахна тілі пәндерінің шеберлері сабақ жүргізеді. Режиссерлар, өнер танушылар да бар. Алты айдан соң көресіздер енді қортындысын.
«В» және «С» сатысы деген жалғасы да болады қалаған адамға. Онда ағылшын тілі қосылып, кәсібін шыңдай түсеміз. Еуропа, Америка мектептерімен байланыс орнатпақпыз. Қазақтың жас актерлары әлемдік киноға да бақ сынауға жарап тұрса деген мақсат ол!
Әзірге, іске сәт!
Оқу басталады !!!