Болат Бақауов: Бұл жерде үлкен орман болады

Павлодарда қаласында өткен жалпықалалық тазалық шарасына облыс әкімі Болат Бақауов та қатысты. Қала әкімдігі өкілдері мәлімдегендей, бұған дейін павлодарлық кәсіпорындар мен оқу орындар 500-ге жуық көшет екті. Сонымен қатар, Усолка шағын ауданындағы №4 емхана мен «Назарбаев интеллектуалдық мектебінің» аулаларында 200-ге жуық ағаш отырғызылды.

– Қоқысты жинау мен шығару үшін біз 45 жүк тиегіш пен 115 жүкті өздігінен түсіргіш техника бөлдік,- деді қалалық тұрғын үй коммуналдық шаруашылығы, автомобиль жолдары және жолаушылар бөлімінің басшысы Зікірия Сұлтанғазинов. – Сонымен қатар, біздің мердігер ұйымдар ағаштарды әктеу, қоршаулар мен аялдамалық құрылыстарды бояу және белгілерді көрсету бойынша жұмыстармен айналысады.

Дәл осы уақытта Павлодар маңында қарағайдың 40 мыңнан астам көшеті отырғызылды. Екі жылдық көшеттер 9 гектарға жуық аймақты алды.

– Бірнеше жылдан кейін бұл жерде үлкен орман болады, – деді ағаштар отырғызылған жерде болған Павлодар облысының әкімі Болат Бақауов. – Жыл сайын сәуірде осы жерге келіп, отырғызылған қарағайдың қалай өсіп жатқанын көріп отыруды дәстүрге айналдырсақ.

Аймақ басшысы Павлодардың аула ішіндегі алаңдарды жөндеу жұмыстарының барысымен танысты. Нәтиже жаман емес, облыс орталығында 20 аула жөнге келтіріліп, әлі 50-інде абаттандыру қарқынды жүріп жатыр.

– Біз жөндеу жұмыстарын қажет ететін барлық аулаларды анықтадық, барлығы 180-ге жуық болды. Барлық жұмыстарды қыркүйек айында аяқтаймыз деп жоспарлап отырмыз. Баса айта кететіні, мердігерлердің алдында тек аулаға кіретін емес, әлеуметтік сала нысандары – мектептер мен балабақша, ауруханалардың кварталішік өтпе жолына дейін тас жол төсеу міндеті тұр, — деді шаһар басшысы Нұржан Әшімбетов.

Жұмыс барысында бірнеше жыл бойы жөндеу көрмеген Украинская көшесінің Сұлтанов атындағы облыстық ауруханасынан №3 қалалық емханасына дейінгі өтпе жолды енгізуге уәде берді.

– 2018 жылдың соңына дейін бұл аумаққа тас жол төселіп, жарық шамдары қойылады,- деді Павлодар облысының әкімі. – Негізі осы тоқсанда біз медициналық кластерді дамытпақпыз. Бұл жерде облыстық аурухана, емхана жұмыс істеп тұр, жаңа онкологиялық диспансер салынып жатыр. Бұдан бөлек, Павлодар ауданының бұрынғы емханасының ғимаратының бір бөлігін біз диагностикалық орталық ашатын оңтүстік корейлік дәрігерлерге береміз.

Өз тілшіміз