БОС ЛАУАЗЫМДАР ЖӘРМЕҢКЕСІ ӨТТІ
2025 жылдың 3 наурызында Тараз қаласының «Көне Тараз» этно-мәдени орталығында «Адал еңбек. Лайықты табыс», жұмысшы мамандықтар жылына орайластырылған іс-шара өтті.
Іс-шара аясында «Еңбек мобильдігі орталығының» ұйымдастыруымен бос жұмыс орындар жәрмеңкесі өтті.
Жәрмеңкеге 31 жұмыс беруші мекемеден 1 161 жұмыс орындары ұсынылса, оның 1 100-ге жуығы арнайы жұмысшы мамандықтары. Сонымен қатар, өңірдегі мемлекеттік органдардағы 70-тен аса бос лауазымдар ұсынылды.
Жәрмеңке барысында қала тұрғындары мен жастарына мемлекеттік қызметке орналасу тәртібі, тестілеуден өту ережелері мен мемлекеттік қызметке орналасудың жаңа форматы кеңінен түсіндірілді.
Бұдан бөлек, жоғары үлгерім көрсеткен жоғары оқу орындарының түлектерінің оқуды бітіргеннен кейін аудандық және ауылдық деңгейдегі жекелеген төменгі лауазымдарға конкурссыз тікелей тағайындалу мүмкіндіктері туралы айтылды.