Дәстүрлі әнші Мемлекеттік стипендиясының иегері

ҚР Тұңғыш Президенті — Елбасы Нұрсұлтан Назарбаевтың мәдениет саласындағы мемлекеттік стипендиясының биылғы иегерлері белгілі болды.

Олардың қатарында Әбдіжәміл Нұрпейсов, Олжас Сүлейменов, Әкім Тарази, Марфуға Айтқожина, Жүрсін Ерман, Бибігүл Төлегенова, Самал Еслямова сияқты елгі белгілі тұлғалар бар.

Сондай-ақ, бұл тізімнен жерлесіміз, Екібастұз қаласындағы Естай атындағы балалар музыка мектебінің директоры, дәстүрлі ән өнерінің майталманы Медғат Манапов та табылды.

Медғат Жанайдарұлы аймағымыздың мәдени-рухани дамуына айрықша үлес қосып жүрген өнер жанашыры. Дәстүрлі ән саласында қаншама шәкірт тәрбиелеп келеді. Ол көптеген републикалық және халықаралық байқаулардың жеңімпазы. БиылЕкібастұздағы музыка мектебінде балаларға тегін домбыра үйрету курсы ашылған болатын.

Өз тілшіміз.