Ел тарихы-ел жадында
Біз үшін ұлттық құндылық — ата-бабамыз аманат етіп тастап кеткен кең-байтақ туған жерімізді, ана тілімізді, ел тарихын қорғау деп деп білеміз. Ел тарихына үңілсек, сонау қазақ-жоңғар шапқыншылығында Аңырақай, Орбұлақ, т. б. 300-ден аса шайқастар және Ұлы Отан соғысы болған. Ең соңындаТәуелсіздік жолында күрескен Желтоқсан оқиғасыныңқаһармандары келер ұрпақ үшін жанын салып, елім, жерім деп күрескен. Олар өз туған елінің тарихын сақтап қалу мақсатында соғысты.
Біз желтоқсан көтерілісін тәуелсіздік бастауы деп жүрміз. Иә, қантөгіспен, ауыр күндермен келген Тәуелсіздігіміз бен Желтоқсан оқиғасына біраз уақыт болып қалыпты. Жылда біз 16-шы желтоқсан күнін халық болып салтанатты жиындар мен концерт, мерекелік іс-шарамен өткізіп жүрміз. Дегенмен 1986 жылы дәл осы күні тәуелсіздік жолында қан төккен Қайрат, Ербол, Ләззат, Сәбира сынды боздақтарымыздан айырылған күн екендігін де ұмытпағанымыз жөн. Мерекені тойлаймыз деп қаралы күнді жадымыздан өшіріп алмайық!Иә, елімізге Тәуелсіздік оңайлықпен келген жоқ. Қазақ елінің тәуелсіздігі мен бостандығы жолында бастарын бәйгеге тіккен желтоқсан оқиғасының батырларының ерліктері уақыт өткен сайын жадымызда жаңғыруы тиіс.
Өткенге көз жүгіртсек, 1986 жылы 16 желтоқсан күні басшымыз Д. Қонаевты қызметінен босатып, Қазақстан КП Орталық комитетінің бірінші қазақ халқына еңбегі сіңбеген, есімі де елге белгісіз Г.Колбин тағайындалған еді. Сол кезде өр мінезді қазақ жастары кеңестік дәуірдің әміршіл-әкімшіл жүйесіне шыдай алмай бас көтерді. Дегенмен сол Брежнев алаңындағы жастардың наразылығының арты қанды оқиғаға айналып кететінін ешбір жан сезбеп еді. Көптеген жастар оқу орындарынан, комсомолдан шығарылды, жазықсыз камераға отырғызылып қудаланды.
Осы жылы азапты Желтоқсан оқиғасына 38 жыл толадыекен. Шүкір, 1990 жылдардан бастап оқиғаға қатысушылар мен куәгерлер ақтала бастады. Ал сол кездегі қыз-жігіттер «Қазақстан тәуелсіздігі үшін күрескендер» деген атауға ие болуда. Қазақстан Республикасының Президенті Қасым-Жомарт Тоқаев 1921 жылы жазған туиттердегі парақшасындажелтоқсандықтардың ерлігін атап көрсеткен болатын. «Осыдан 35 жыл бұрын қазақ жастары Кеңес одағының өктемдігіне қарсы шықты. 1986 жылғы наразылық шеруі халқымыздың бостандыққа ұмтылысын көрсетті. Тәуелсіздіктің алғашқы қарлығаштары – Желтоқсан қаһармандарының өшпес ерлігі біздің мемлекеттілік тарихымызға мәңгі жазылды».
Иә, Желтоқсан оқиғасы – мәңгілік халық санасында жатталып қалатын, Тәуелсіздікке бастаған алғашқы қадам болып ел тарихында қала бермек. Біздің тарихымыз ешқашан өшпейтінтарих. Сондықтан да біз еліміздің тарихын ұмытпай, кейінгі ұрпаққа насихаттап жеткізіп отыруымыз керекпіз.
Шаргүл Қасымханқызы