ЭТНОСАРАЛЫҚ ТАТУЛЫҚ – САЯСИ ТҰРАҚТЫЛЫҚ КЕПІЛІ
Бүгін Т.Рысқұлов ауданына жұмыс сапарымен Жамбыл облысы әкімдігінің ішкі саясат басқармасының КХА хатшылығы–этнос аралық қатынастар мәселелері жөніндегі бөлім басшысы Құдайберген Рысдаулет келіп, зерделеу мен ақпараттық түсіндіру жұмыстарын жүргізді.
Бүгінгі таңда халқымыздың бейбітшілік пен келісімнің қазақстандық үлгісін әлемге танытушы елге айналып отыр. Әрбір қазақстандық азамат үшін ұрпақтар сабақтастығы арқылы тарихи қалыптасқан татулық, сенім мен тең құқықтылық ең маңызды қасиет. Сонымен қатар, Қазақстан халқы Ассамблеясы этносаралық және конфессияаралық қатынастар саласындағы мемлекеттік саясатты жүзеге асырушы маңызды құралға айналып, елімізде тұрмыс кешіп отырған барлық этностардың өзара тең құқықты қатынасын қамтамасыз етуші алаң рөлін атқаруда.
Осы орайда, Құдайберген Жамбылұлы жұмыс сапары барысында қоғамдық келісім кеңесінің және жалпыұлттық бірлік аясында мемлекеттік саясатты насихаттау жұмыстарының барысы туралы бірнеше кездесулер өткізді.
Кездесу Т.Рысқұлов ауданы әкімдігінің ішкі саясат бөлімінің басшысы Мадияров Ернұр Берікұлының төрағалығымен, «Дүниежүзі қазақтарының қауымдастығы» РҚБ және «Отандастар қоры» КеАҚ фронт-офисі Жамбыл облысы Т.Рысқұлов ауданы филиалының директоры Тәжіков Әмзе Даданұлының, аудандық «Қоғамдық келісім» кеңесінің төрағасы Өтегенов Серік Асанханұлы қатысуымен өтті.
Күн тәртібінде қоғамға байланысты бірқатар мәселелер қозғалып, баяндамалар оқылды.
Құлан агротехникалық жоғары колледжінің студенттерімен, Луговой, Қарақыстақ және Көгершін ауылдарындағы өзге этнос өкілдерімен, отандастарымен және де «Рухани жаңғыру» жобалық офисінде қоғамдық келісім кеңесі, ҮЕҰ, этномәдени бірлестіктер, ардагерлер кеңесі мүшелерімен кездесу өткізіп, этномәдени бірлестік мүшелерінің көрмелерін тамашалады.
Жиын барысында өзекті мәселерді талқыланып, жастармен жұмыс жөнінде келелі ойлар айтылды. Қатысушылар тарапынан бірқатар ұсыныстар айтылып, сұрақтар мен пікірлер айтылды. Отырыс соныңда Құдайберген Жамбылұлы кең көлемде пікір алмасып, ойларымен бөлісіп, кеңескен жиынның қатысушыларына алғысын жеткізіп, жұмыстарын сәттілік тіледі.
Кездесуге Қоғамдық келісім кеңесінің төрағалары, әкелер және аналар кеңесінің мүшелері мен БАҚ өкілдерінің қатысуымен өтті.
Кез келген елдің тілегі де, оның арманы да халқының бейбітшілігін сақтау екені сөзсіз. Елінің экономикасын дамытып, халқының қауіпсіздігін нығайту арқылы ішкі тұрақтылықты қамтамасыз етеді. Өйткені, бейбіт өмір бақыт, береке, бірлік әкелумен бірге, өрлеу мен өркендеуге жол ашады. Дана халқымыз: «Байлық байлық емес, бірлік – байлық», — деп бекер айтпаса керек. Бұқара халық әрдайым тыныштықта, мәңгілік бейбіт өмір сүруді армандайды. Ал ұрпағының амандығы – келешегінің кемелдігін білдіреді.
Мөлдір Тастанбек
Т.Рысқұлов ауданы әкімінің баспасөз хатшысы