Игі істер: Балқашта автоеріктілер пайда болды

Балқашта мүмкіндігі шектеулі жандарға көмек ретінде «Автоволонтерлер» жобасы іске қосылды. Бұл қозғалысқа кіру туралы үндеуге жанашыр азаматтар жауап берді.

– Біз адамдарға көмек көрсетуге ниет білдірген автокөлік иелеріне үндеу жолдадық. Айына бір рет жүріп-тұруы қиын адамды дүкенге, ауруханаға, дәріханаға немесе басқа да істер бойынша алып бару – көп уақыт пен күш талап етпейді, ал ол адамдар үшін әлдебір қайырымды іс болады, – дейді Балқаш қаласы әкімінің мүмкіндігі шектеулі адамдар мәселелері жөніндегі кеңесшісі Мейірім Орынбаев.

Оның айтуынша, үш күннің ішінде 30-ға жуық адам жауап берген. Еріктілерді жалдау жалғасуда. Осы айда волонтерлік сапарларды іске асыруды бастау жоспарлануда.

Көмекке мұқтаж азаматтардың өтініштері диспетчер арқылы қабылданады.

– Диспетчер болып бірінші топтағы мүгедек азамат жұмыс істейді. Егер бұл жоба жақсы дамитын болса, мүмкіндігі шектеулі жандарды жұмысқа орналастыру мүмкіндігі пайда болады, – деп атап өтті Мейірім Орынбаев.

Қозғалыс бастамашылары @avtovolonteri_balkhash Instagram парақшасын ашты.

Олармен келесі телефондар арқылы байланысуға болады: (+7-71036) 5-27-35, 8-775-174-15-48.

 

Жомарт Шаймұрат