ИГІЛІК АУЫЛЫНЫҢ МАҚТАНЫШЫ
Ұлағатты ұстаз-ұлт мақтанышы.
Қазақстан Республикасының Президенті Қасымжомарт Кемелұлы Тоқаев Ұстаздар күні мерекесіне орай 4-қазан күні ардақты ұстаз, қазақ тілі мен әдебиеті пәнінің мұғалімі МАХАМБЕТОВА ГҮЛБАНУ ЖАМБЕКҚЫЗЫН «Қазақстанның еңбек сіңірген ұстазы» төс белгісімен марапаттап, өз қолымен табыстады.
Махамбетова Гүлбану Жамбекқызы 1969 жылы 8 қаңтарда Жамбыл облысы Сарысу ауданы Игілік ауылында дүниеге келген. 1976 жылы сол кездегі —Коммунар орта мектебінің бірінші сыныбына қабылданып, 1986 жылы мектепті үздікке бітірген. 1986-1991 жылы «Абай атындағы Қазақ Еңбек Қызыл Ту педагогикалық институты» (қазіргі Абай атындағы ҚҰПУ (Абай атындағы КазПИ)) жоғары оқу орнын «Қазақ тілі мен әдебиеті пәнінің мұғалімі» мамандығы бойынша бітірген. 1991 жылдан бастап қазіргі уақытқа дейін Абай атындағы Республикалық мамандандырылған дарынды балаларға арналған Қазақ тілі мен әдебиетін тереңдетіп оқытатын мектеп-интернатында қазақ тілі мен әдебиеті пәнінің мұғалімі болып жұмыс істейді.
Гульбану Махамбетова Сізді, Игілік ауылдық округі тұрғындары атынан шын жүректен құттықтап, ұрпақ тәрбиелеу жолындағы толымды еңбегіңізге шын пейілмен алғыс айта отырып, «Ұстаздар күні» мерекесімен сізді құттықтаймыз. Отбасыңызға амандық, деніңізге саулық тілейміз!