Қазақстанда ауа температурасы -45 градусқа жетуі мүмкін

Еліміздің бірнеше өңірінде аяз болады, деп хабарлайды Today.kz «Қазгидромет»орталығына сілтеме жасап.

22-26 қаңтар аралығында Ақмола, Солтүстік Қазақстан, Павлодар, Қарағанды, Шығыс Қазақстан облыстарында қатты аяз күтіледі, түнде ауа температурасы -35-40°С-қа дейін жетеді, 24-26 қаңтарда күн -45°С-қа дейін салқындайды, күндіз -27-32°С, кей жерлерде -35°С күтіледі.

22-26 қаңтар аралығында Қостанай облысында қатты аяз болуы мүмкін, түнде -33-38°С, күндіз -20-25°С күтіледі.

Астана қаласында 23-26 қаңтар аралығында қатты аяз болады деп болжануда, ауа температурасы түнде -35-40°С, күндіз -27-32°С болуы мүмкін.