ҚазАТУ-дың ректоры белсенді студенттермен кездесті

2017 жылдың 26 қазаны күні ҚазАТУ-дың студент-жастары Басқарма төрағасы, профессор А.Қ.Күрішбаевпен кездесті.

Іс-шараға осы жылда оқу орнымызға таңдау жасаған Алтын белгі иегерлері, пәндік олимпиададан халықаралық жүлдегерлер, спорт шеберлері және белсенді студенттер қатысты.

Кездесу барысында Жастар ісі жөніндегі комитет төрайымы Ә.А.Кукеева оқу жылы бойында атқарған жұмыстарының қорытындысымен, студент-жастардың елеулі жетістіктерімен, өзін өзі басқару жүйесін дамытудағы алдағы міндеттерімен, сондай-ақ, жаңа бастамаларымен таныстырды.

Ал студенттер болсы ректорға өздерінің ойларында жүрген сауалдарын қойып, пікірлерін ортаға салды. Ақылбек Қажығұлұлы барша жастардың пікірін тыңдап олармен бөлісті.

Тіпті өзінің жастық шағын еске алып, студенттік кезеңдерінен естелік айтып берді. Дарынды жастардың ректорымен кездесуі ерекше сипатта өрбіді. Естелік фотоға түсіп, емен жарқын әңгіме өрбітті.