Көпке үлгі боларлық
«Қайырымдылық жасасаң – қайырын өзің көресің» дейді халқымыз. Өзгелерге жәрдемдесіп, мейірім шуағын төгу тек алтын жүректі адамдардың ғана қолынан келетіні сөзсіз. Мұндай жандар Тараз қаласында да аз емес. Солардың бірі – сегізінші шақырылған Тараз қалалық мәслихатының депутаты Әсел Жапарова.
Әсел Әбілханқызы қыстың қақаған аязына қарамастан көше тазалап жүрген «Жасыл ел – Тараз» жұмысшыларына шай мен ыстық бауырсақ үлестіріп, қолдау көрсетті. Бұл игі іске 50-ден аса адам қамтылды.– Осындай күннің суығына қарамастан еңбек етіп жүрген тазалық сақшыларының еңбегі ерлікпен тең. Сондықтан жұдырықтай жұмылып оларға көмек көрсеткеніміз жөн. Осындай игі іске қаланың өзге де тұрғындарын, кәсіпкерлерін шақырамын, – дейді депутат.