Қордайда ауылдарды көркейту, көгалдандыру жұмыстары жалғасуда

Қордай ауданында ағымдағы жылдың жылдың 1 наурызынан 30 сәуірге дейін көктемгі абаттандыру, көгалдандыру және санитарлық тазалық екі айлығы жарияланып, барлық 19 ауылдық округтерде әр сенбі сайын сенбілік ұйымдастырылуда. Сенбілік жұмыстарына аудандағы мемлекеттік мекеменің қызметкерлерімен қатар, жергілікті тұрғындарда белсенді қатысты. Жалпы 38 мың адам ауданды абаттандыру жұмыстарымен айналысты.
Сонымен қатар, ауыл аймақтарды көгалдандыру мақсатында аудандағы барлық ауылдардағы көше бойлары мен саябақтарға түрлі тал егілді. Аудан тұрғындарын қоғамдық пайдалы жұмыстарға тарту үшін 4 ай мерзімге ақылы қоғамдық жұмыс орындары ашылып, бүгінгі күнге ауданның барлық округтерінде жұмысқа тартылған азаматтар өңіріміздің санитарлық тазалығы мен көгалдандыру-абаттандыру жұмыстарын атқаруда.