Қорғау нұсқамасын бұзу әкімшілік жауапкершілікке әкеп соғады

Қорғау нұсқамасын бұзу Қазақстан Республикасының Әкімшілік құқық бұзушылық туралы Кодексінің 461-бабында қаралған.

Қорғау нұсқамасын бұзу жауаптылыққа әкеп соғады.

«Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» 20.04.2023 жылғы № 227-VII Заңымен Әкімшілік құқық бұзушылық туралы Кодексінің 461-бабына өзгерістер мен толықтырулар енгізілді.

Заңды күшіне 01.07.2023 жылы енді.

«Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының Заңы

2023 жылғы 20 сәуірдегі № 227-VII

2014 жылғы 5 шілдедегі Қазақстан Республикасының Әкімшілік құқық бұзушылық туралы кодексіне мынадай өзгерістер мен толықтырулар енгізілсін:

461-бап мынадай редакцияда жазылсын:

«461-бап. Қорғау нұсқамасын бұзу

1. Ішкі істер органы шығарған қорғау нұсқамасын бұзу –

он тәулікке әкімшілік қамаққа алуға алып келеді.

2. Осы Кодекстің 50-бабының екінші бөлігіне сәйкес әкімшілік қамаққа алу қолданылмайтын адамдар жасаған, осы баптың бірінші бөлігінде көзделген әрекет –

отыз айлық есептік көрсеткіш мөлшерінде айыппұл салуға алып келеді.»

Осы Заң 2023 жылғы 1 шілдеден бастап қолданысқа енгізіледі.