МАЛ ҚЫСТАТУ НАУҚАНЫ ҚАЛЫПТЫ ӨТУДЕ
Қылышын сүйретіп қыс та келді. Мал қыстату маңызды науқаны басталып кетті
Ауданда елді мекендерден тысқары орналасқан 160 мал қыстаулары бар.
Биыл ауданда мал қыстату науқанына
99 300 төрт түлік түсті. Оның ішінде, 7970 бас мүйізді ірі қара, 4494 бас жылқы, 85160 бас уақ мал және 1676 бас түйе малы бар.
Қысқы мал азығы қоры ретінде қыстаулардың басында 875 тонна жем және 13760 тонна шөп дайындалды.
Негізінен қыстаулардағы малдар қыс бойы жайылымда жайылады. Жоғарыда аталған мал азығы қоры қосымша азық ретінде және қатты боранды күндері пайдаланылатын болады.
Қыстауларда мал суаруға толық жағдай бар.
Мал қыстату науқанына байланысты ауданда арнайы штаб жұмыс жасауда. Алдын-ала атқарылған шаралардың нәтижесінде мал қыстату науқаны қалыпты өтіп жатыр.