Маңғыстауда қытайлық инвесторлардың қатысуымен ешқандай жоба жүзеге аспайды

Бұл жөнінде бүгін Өңірлік коммуникациялар қызметі алаңында өткен брифингте Маңғыстау облысы әкімінің орынбасары Қаныбек Жұмашев мәлімдеді.

Қазақстанға Қытайдың 55 ескі зауыты көшіріледі-мыс деген негізсіз ақпараттың рас-өтірігін білу және қарсылық таныту мақсатында Жаңаөзен, Ақтау қалаларының бір топ азаматтары наразылық акциясын ұйымдастырған болатын. Маңғыстауға қытайлық инвесторлар мен жұмысшыларын әкелуге қарсылық танытқандармен облыс әкімі Серікбай Трұмов екі күн қатарынан кездесіп, мәселенің мән жәйін түсіндірді және жергілікті азаматтардың талаптарын ҚР Президент әкімшілігіне жеткізді.

«Біз жаңаөзендік жерлестерімізді түсінеміз, тәуелсіздік үшін, ел тағдыры үшін алаңдаған өте жақсы, дегенмен төрт күннен бері орын алған оқиғаға орай облыс әкімдігі тарапынан айтатынымыз – алдағы бес жылда Маңғыстауда қытайлық инвесторлардың қатысуымен ешқандай жоба жүзеге аспайды және жоспарда да жоқ. Сондай-ақ осы күндер ішінде алаңға шығып, өздерінің азаматтық үнін білдірген Жаңаөзен, Ақтау қаласының тұрғындары жауапқа тартылған жоқ және тартылмайды»,-деді Қаныбек Бекболатұлы Өңірлік коммуникациялар қызметі алаңында өткен брифингте.

Тәуелсіздік алғаннан бері, елімізге  әлемнің 120-дан астам елінен 330 миллиард доллар шетелдік инвестиция тартылды. Инвестицияның негізгі бөлігі (50% -дан астам) Еуропалық Одақ елдеріне, оның ішінде Швейцарияға (25,8 млрд.), Францияға (16,1 млрд.), Италияға (8,7 млрд.), Нидерландыға (90,4 млрд.), Бельгия (7,6 млрд.), Германия (5,2 млрд.) келеді. Одан кейін Америка Құрама Штаттарына тікелей шетелдік инвестициялардың 15% немесе 48,4 млрд. келеді. Шамамен 5%  Ұлыбритания мен Қытай инвестициялары. Бұл қатынас соңғы онжылдықтарда сақталды. 1 тамыздағы жағдай бойынша Қазақстанда 19 мың заңды тұлға мен филиалдар бар, олардың 35,3% — ы ресей, 9,5% -ы түркия, 5,7% — ы өзбекстан, 5,6% -ы қытаймен, 3,1% — германияның қатысуымен. Бұл жалпы әлемдік тәжірибе. Сол сияқты, қазақстандық компаниялардың шетелде өкілдіктері мен филиалдары бар.

2010 жылдан бастап шетелдік инвестициялар жөніндегі қазақстандық уәкілетті органдар шамамен 650 жобаны қарастырды. Оның ішінде Еуропалық Одақ елдерінен инвесторлар ұсынған жобалар — 185, Ресей Федерациясы — 111, Түркия — 80 және Қытай — 55 жоба және т.б. Ұсынылған жобалардың ішінен, заманауи технологиялардың трансферін қамтамасыз ететін, жоғары қазақстандық мазмұнды және Қазақстан Республикасының азаматтары үшін жұмыс орындарын құруды қамтамасыз ететін және жұмысшыларының 95 пайызы қазақстандық болатын жобаларға басымдылық беріледі.

Осы принциптерге сүйене отырып, көрсетілген мерзімде $ 16,2 млрд ақш. долларына 235 жоба (басқа жобалар қарастырылуда) жүзеге асырылды, оның ішінде 133 жоба Еуропалық Одақ елдері және Ресеймен жүзеге асырылған.

Қытай Халық Республикасы, көптеген инвесторлардың бірі бола отырып, 15 жобаны қаржыландырды және іске асырды.