Олжас Сүлейменов не дейді..?!

Ұлт мақтанышы, ақын, жазушы, қоғам әрі мемлекеттік қайраткері Олжас Сүлейменовтің айтқан түйін сөзінің төркіні түсінікті.

Бекзат туған, серке туған, туа бітті жолы ашық Олжас Сүлеймен бүй дейді:
— Кейінгі 30 жыл ішінде Қазақстанда кем дегенде бір ұлы ғалым, кем дегенде бір ұлы жазушы пайда болды ма? Жоқ, әрине. Біртуар инженерлер бар ма? Жоқ. Инженер өзін көрсете алатын өндіріс те жоқ. Бұл құлдырау кітаптың, хаттың, гуманитарлық және басқа ғылымдардың беделінің төмендеуіне байланысты пайда болды. Өкінішке қарай, бұл күрделі тақырып. Кітап оқитын жаңа ұрпақ пайда болуы үшін қанша жыл керек?
Сондықтан балаларымыз бен немерелерімізге кітапты қайтарайық. Бұл әсіресе қазақтар үшін өте маңызды, өйткені біз жазбаша әдебиетке ХХ ғасырда ғана келдік және оны тез жоғалтып алдық, жоғалтып жатырмыз. Егер орыс әдебиеті күшті дейтін болсақ, ол осы кезеңнен аман шығады… Ал біз тағы да фольклорға, халық ауыз әдебиетіне қайта ораламыз. Бұл тақырыпты жандандырып, мұны тоқтату керек. Сол кезде 100 жылдан кейін не болатынын айта аламын. Егер қалпына келтірмесек, онда болжауға тура келеді. Кемшіліктің әлдеқайда көп болатыны анық.

Рабиға САУТ ФБ парақшасынан