ӨНДІРІС ҚАУІПСІЗДІГІ ҚАШАН ДА ӨЗЕКТІ
Ауданымызда ауқымын кеңейтіп, жаңа тынысын ашып жатқан өндіріс орындары экономикалық дамуға үлес қосып келеді. Шетелдік компаниялар елмен бірге етене жақын болып, әлеуметтің жағдайын жақсартуға бар күшін салуда. Салмақты жұмыстың артында салмақты ой тұратыны сияқты елмен сіңісуде, еңбек шарттарын сақтауда ұлттық қағидаттарды ұмытпау қажет.
Осы орайда, «Алтын сағат» қағидаты аясында Жамбыл облысы әкімі Ербол Қарашөкеевтің «Қазақстан азаматтарының шетелдік компаниялар қызметкерлерімен өзара құқық бұзушылық факторларының алдын алу және шетелдік азаматтардың қоғамдық және демалыс орындарында тәртіп пен Қазақстан Республикасының заңнама талаптарын сақтауы бойынша профилактикалық жұмыс тобының құрамын бекіту туралы» өкімі бекітілген болатын.Осы орайда, бүгін ауданымызға облыстан арнайы жұмысшы топ құрамы келіп, өндіріс орындарын аралады. Сапар барысында жұмысшы топ «ЕвроХим» ЖШС, «Жаңатас Жел электр станциясы» ЖШС мен «Қазақсода»ЖШС өндіріс орындарында болып, жұмыс орны, тамақтану жағдайы, жататын орны зерделеніп, қоғамдық орындарында өзін өзі алып жүруі, еңбек кодексінің сақталуы, ішкі тәртіп пен қоғамдағы тәртіптің сақталуы бойынша профилактикалық жұмыстар жүргізілді. Облыстан келген қонақтарды аудан әкімінің орынбасары Ерлан Ермағанбетов бастаған бірқатар мекеме, бөлім басшылары күтіп алып, нысандарды бірге аралап, жұмыс барысымен таныстырды. Сондай — ақ, ауданымызда саяси ахуалдың тұрақты екенін жеткізді.Ағымдағы жылы ауданда бірқатар жобалар іске асырылмақ. Жалпы үлкен аудан үшін жобалардың бірі Еврохим жобасы болып саналатыны баршамызға мәлім. Биыл 5 цехтың құрылысы жүруде, оның ішінде серная кислота цехы биыл пайдалануға биыл жоспарланып отыр. Аталған цех іске асырылғаннан кейін 362 жұмыс орындар ашылады. Бұл жергілікті өзіміздің колледж түлектерінің бітіргеннен кейін осы мекемеге жұмысқа орналасуға мүмкіндік береді. Одан бөлек «Қазақсода» мекемесінде жоба сәтті іске асып келеді. Аталған жоба аясында үлкен зауыт соғылып нәтижесінде жергілікті тұрғындарды жұмысқа қабылдау қарастылған. Жалпы жоба аясында 1500 адамға дейін, 1400 адамға дейін жұмысқа алу жоспарда бар. Сонымен қатар Жел Электр Станциясында бүгінгі таңда 40 жел лупостьтарында 100 мегабатқа дейін жалпы сағат 100мб/сағ дейін электр энергиясын өңдіруде. Аталған бағытта да жергілікті түлектерді алу практикадан өткізу мәселелері пысықталды. Бүгінгі таңда меморандум жобасы әзірленуде. Жалпы шетелдік жұмыс пайдаланып жатқан мекемелерде осы шетел жұмыс күшін шетел мамандарын пайдалана отырып жергілікті азаматтарға шетелдік мамандардың білімін бөлістіру мақсатында тәлімгерлікке алу мәселесі көтеріліп; оны да меморандумға қосып әзерлеу пысықталды.
Сонымен қатар, жыл басынан бері 12 бос жұмыс орындарының жәрмеңкесі өткізіліп, 100 — ден аса жұмыс берушілерден 800 — ден аса ваканция ұсынылды. Үстіміздегі жылдың 3 наурызында облыстық жұмысшы мамандықтарының жылының ашылу аясында ауданымыздың ірі компаниялар да қатысу жоспарланып отыр.
Айта кетейік, ауданымызға келген жұмысшы топ құрамында Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқарма басшысының орынбасары Самат Төрегелдиев, Жамбыл облысы полиция департаменті Көші қон қызметі басқарма бастығының орынбасары Жарас Сатбергенов және Қазақстан Республикасы Еңбек және халықты әлеуметтік қорғау министрлігі Мемлекеттік инспекциясы комитетінің Жамбыл облысы бойынша департаменті Еңбек заңнамасын бақылау бөлімінің басшысы, мемлекеттік еңбек инспекторы Еркін Ибраимов бекітілген.