«Парыз 2023» Республикалық конкурсына қатысуға өтінімдерді қабылдау басталды

Жамбыл облысының әкімдігі облыстың жұмыс берушілері мен кәсіпкерлерінің назарына Қазақстан Республикасы Президентінің 2008 жылғы 23 қаңтардағы № 523 Жарлығына сәйкес «Парыз» конкурсы туралы» бизнестің әлеуметтік жауапкершілігі жөніндегі конкурсқа құжаттарды қабылдау ашық деп жариялады.
Конкурс жыл сайын өңірлік және республикалық деңгейлерде екі кезеңде өткізіледі. Конкурс лауреатының лауазымы екі санатта беріледі:

1. шағын және орта кәсіпкерлік субъектісі;

2. ірі кәсіпкерлік субъектісі санаттары бойынша беріледі

және келесі номинациялар бойынша:

1. «Үздік әлеуметтік жауапты кәсіпорын».

Бұл номинацияда өз персоналын қолдауға, мүмкіндігі шектеулі адамдарды әлеуметтік бейімдеуге және жалпы коғамның әл-ауқатын жақсартуға бағытталған әлеуметтік бағдарламаларды іске асыратын үміткерлердің қызметі қаралады.

Құжаттар «Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы» КММ-де қабылданады.

2. «Үздік ұжымдық шарт».

Бұл номинацияда Қазақстан Республикасының заңнамасында көзделген, қызметкерлердің еңбек және әлеуметтік құқықтарын едәуір жақсартатын және нығайтатын ұжымдық шарттар қаралады.

Құжаттар «Жамбыл облысы әкімдігінің еңбек инспекциясы басқармасы» КММ-де қабылданады.

3. «Экологияға қосқан үлесі үшін».

Бұл номинацияда қоршаған ортаның, қалдықтарды кәдеге жарату мен қайта өңдеудің жай-күйін жақсартуға бағытталған табиғатты қорғау (экологиялық) бағдарламаларын, іс-шараларын және жобаларын іске асыруда ерекше көзге түскен үміткерлердің қызметі қаралады.

Құжаттар «Жамбыл облысы бойынша экология департаменті» РММ-де қабылданады.

4. «Еңбекті қорғау саласындағы үздік кәсіпорын» .

Бұл номинацияда еңбек кызметі процесінде қызметкерлердің денсаулығын сақтауға мүмкіндік беретін еңбек жағдайларын жасайтын үміткерлердің қызметі қаралады.

Құжаттар «Жамбыл облысы әкімдігінің еңбек инспекциясы басқармасы» КММ-де қабылданады.

Конкурста «Жылдың үздік әлеуметтік жобасы» арнайы сыйлығы бекітіледі.

Бұл арнайы сыйлықта бизнес іске асыратын, халықтың әлеуметтік осал және аз қамтылған топтарының жұмыспен қамтылуына және (немесе) тұрмыс жағдайларын жақсартуға ықпал ететін әлеуметтік жобалар қарастырылады.

Конкурсқа қатысу үшін үміткерлер жергілікті атқарушы органдарға материалдарды бір данада ұсынады, оларда:

1) қосымшаға сәйкес толтырылған өтінім;

2) үміткердің өз қызметінің деңгейін өзін-өзі бағалауын және корпоративтік әлеуметтік жауапкершілігі бойынша нақты нәтижелерін білдіретін есебі болады;

Үміткердің есебінде:

заңды тұлғаның немесе жеке тұлғаның тарихы;

ұйымдық құрылымы; өзге де қосымша ақпарат.

3) Қазақстан Республикасы Еңбек және халықты әлеуметтік қорғау министрлігі белгілеген нысанда толтырылған сауалнама болуы тиіс.

Конкурсқа қатысуға үміткерлердің құжаттары ұсыну мерзімі – 2023 жылғы 15 шілдеге дейін.

Жамбыл облысы әкімдігі жұмыспен қамтуды үйлестіру және әлеуметтік бпғдарламалар басқармасы