Павлодар облысында жаңа ДСК-і мен жылыжай кешені ашылды  

Тұңғыш Президент күні қарсаңында Павлодарское ауылында жаңа дене шынықтыру-сауықтыру орталығы, ал, Екібастұзда қызанақтар өсіретін жылыжай ашылды.  

Павлодарское ауылында жаңа спорт кешенін ашу туралы әңгіме бұрыннан келе жатқан еді. Алты мыңға жуық тұрғыны бар ауылда спорт сүйер қауым мектеп ғимараттары мен «Нұртас» балалар-жасөспірімдер клубына ғана бара алатын еді. Сондықтан, 2019 жылғы бюджетте жаңа спорт нысанын салу үшін 160 млн теңге қарастырылған болатын.

— Бұл кешеннің өзі Павлодарское ауылы үшін аздық етеді, болашақта біз бұдан да үлкен спорт ғимараттарын саламыз, — деді нысанның ашылу рәсіміне қатысқан Павлодар облысының әкімі Болат Бақауов. – Жақын арада ауыл тұрғындары бірнеше спорт алаңдары ашылатын «Спорт Сити» қалашығында спортпен шұғылдана алады. Ауыл тұрғындары үшін спорт қалашығына жету облыс орталығының кейбір шағын аудандарына қарағанда ыңғайлырақ болады.

Кешеннің айналасында жарық шамдары мен 16 воркаут-тренажёрлер орнатылды. Спорт кешенінің ғимаратында медициналық қызметкер, басшы және жаттықтырулардың толық жабдықталған кабинеттері бар.

Сонымен қатар, мереке қарсаңында Павлодар облысында қызанақтар өсіретін жаңа жылыжай кешені ашылды. «Greenhouse Qaztomat» ЖШС-ің жаңа кезегінің қуаттылығы жылына 10 мың тонна қызанақты құрайды. Жылыжай қызанақтардың өсуіне қажетті микроклиматты сақтап тұратын  голландтық құрал-жабдықтармен жабдықталған. Кәсіпорында 200 жаңа жұмыс орындары ашылып, олардың біразында  кеншілер қаласына «Nurly Ertis» бағдарламасы бойынша көшіп келген азаматтар жұмыс істейді.

— Біз жұбайымыз екеуіміз төрт бала тәрбиелеп отырмыз, астанада 10 жыл бойы пәтер жалдаған едік, — дейді Алдан Айтжанов. – Павлодар облысына осы жылдың шілде айында көшіп келдік. Мен бірден жылыжайға жұмысқа орналастым. Алдымен оператордың көмекшісі болып жұмыс істеп, кейін оператор лауазымына тағайындалдым. Бәрі жақсы, ең бастысы өз баспанамыз бен жұмысымыз бар.

«Greenhouse-Qaztomat» ЖШС-і өз өнімдерін экспортқа шығарады. Барлық өнімнің 90%-і Ресейдегі танымал «Лента» сауда желісінің дүкендерінде сатылады.

Әлихан Рахметоллаұлы