Павлодарда латын графикасында үздік диктант жазған студенттер марапатталды

Павлодар қаласының колледж және ЖОО студенттері арасында латын әліпбиінде жазу сауаттылығын тексеру бойынша өткен диктанттың қорытындысы шығарылды. Облыстық мәдениет, тілдерді дамыту және архив ісі басқармасының бастамасымен жарияланған «Латынша жазамыз» акциясына  қатысқан жастар латын әліпбиінде жазу сауаттылықтарын тексеу мүмкіндігіне ие болды. 

– Елбасының «Болашаққа бағдар: рухани жаңғыру» мақаласын іске асыру шеңберінде елімізде 2025 жылға дейін латын графикасын енгізу жөніндегі іс-шаралар жоспары әзірленіп, дайындық жұмыстары жүргізілуде. ХХІ ғасыр – ақпарат ғасыры. Цифрландыру заманы болғандықтан, интернет жүйесінде латын әліпбиі үстемдік етеді. Сондықтан бүгінгі жастардың қазіргі қазақ тілін жаңа деңгейге көтеріп, халықаралық тілдер қауымдастығында лайықты орын алуына септігін тигізеді деген сенімдеміз, – деп атап өтті марапаттау рәсімінде облыстық мәдениет, тілдерді дамыту және архив ісі басқармасының басшысы Ернұр Дәуенов.

Акцияның қорытындысы бойынша ең үздік деп танылған 20 қатысушы алғыс хаттармен және сыйлықтармен марапатталды. Акцияға барлығы 60 адам қатысты. Олардың ішінде Б. Ахметов атындағы педагогикалық колледждің студенті Толғанай Тұмабай «бестік» деген бағаға жазған.

 

 

 

Ақпарат және суреттер «Рavlodarnews.kz» АА-ің сайтынан алынды

 

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.