Павлодарлық спортшы жасөспірімдер арасындағы олимпиадаға жолдама ұтып алды
Павлодарлық спортшы қыз Александра Залюбовская ағымдағы жылдың 6-18 қазан аралығында Аргентинаның астанасы Буэно-Айрес қаласында өтетін Жасөспірімдер олимпиадасына жолдама ұтып алды.
Қазақстан Республикасы жеңіл атлетика федерациясының баспасөз қызметінің мәліметі бойынша, Тайланд астанасы Бангкокта ІІІ Азиялық жасөспірімдер чемпионатының іріктеу байқауы өтті. Қазақстанның намысын қорғаған жерлесіміз Александра Залюбовская 400 метрлік қашықтықты 56,21 секунд аралығында бағындырып, ең үздік нәтиже көрсетушілердің бірі болды. Павлодар тумасы өз рекордын 0,18 секундке жаңартты. Айта кету керек, еліміздің 36 спортшысы Азияда өткен іріктеу кезеңінде өз бақтарын сынап көрді.
Әлихан Рахметоллаұлы