Президент Үкіметте бірқатар ауыс-түйіс жасады

Серікқали Брекешев Экология, геология және табиғи ресурстар министрі лауазымынан босатылып, орнына Зүлфия Сүлейменова Экология және табиғи ресурстар министрі болып тағайындалды.
Ал Оқу-ағарту министрі Ғани Бейсембаев болды. Бұған дейін бұл қызметті Асхат Аймағамбетов атқарды.
Марат Қарабаев ҚР Индустрия және инфрақұрылымдық даму министрі лауазымына тағайындалды. Ол Қайырбек Өскенбаевтың орнына келді.
Асхат Оралов Мәдениет және спорт министрі болды. Бұл қызметті атқарған Дәурен Абаев лауазымынан босатылды.
Азамат Есқараев Әділет министрі лауазымына тағайындалды. Бұған дейін бұл қызметті атқарған Қанат Мусин Конституциялық Соттың судьясы болды.

Qazaqstan Ұлттық Телеарнасы