«Қатын» сөзін Мұқағалидан асып талдаған ешкім жоқ шығар…

Бірде Мұқағали қатты қызу, көшеде такси ұстап тұрса, қасына бір такси тоқтаған екен. Сонда Мұқағали:

⠀

— Шопыр бала! Шопыр бала! Машинаңда орын барма отырғанға? -десе, рульде отырған (сол кездегі ең алғашқы таксист әйел екен.

-Мен саған бала емеспін,-депті.

Сонда Мұқағали тағы да:

-Шопыр қыз! Шопыр қыз!

Онда мені машинаңа отырғыз,-депті.

Әйел тағы да:

-Мен саған қыз емеспін,-депті.

Мұқағали әйелдің бетіне қарап:

— Шопыр қатын! Шопыр қатын!

Машинеңде орын барма отыратын?!-депті.

Ашуға булыққан әйел:

-Немене, келіншек десең тіліңе дара шыға ма, қатын деп қақылдамай? — десе, Мұқағали: «Қатын» деген қасиетті бес әріптен құралған:

Қ- дегенім -қадірлім,

А -дегенім — ардақтым,

Т — дегенім — тынысым,

Ы — дегенім — ырысым,

Н — дегенім — намысым! — деген екен. Сонда әйел, «Отырыңыз аға! Ендігі жерде қатын болып жүрейін!» депті.