«ҚҰШАҚТАСАЙЫҚШЫ!»

⠀

Бір түрлі естілді ма?

Қазір көбіміз үйде отырғандықтан бұл жолғы жазбаны, әсіресе, құлай сүйіп қосылған ерлі-зайыптыларға арнасақ деп отырмыз.

⠀

Бірінші, күйеуіңізді не әйеліңізді көбірек құшақтаңыз. Біреуді құшақтау арқылы оны жаман ойдан, жеккөрушіліктен құтқарып қалатыныңызды білесіз бе?

⠀

Британдық ғалымдар құшақтасу денсаулыққа өте пайдалы екенін дәлелдеді.

⠀

Жақынымен көп құшақтасатын адам ауру-сырқауларды оңай жеңеді және өмірдегі кейбір сәтсіздіктерді тез еңсеріп кетеді екен. Ол күйзелістен аман, өзіне-өзі қол жұмсау секілді қайғылы әрекеттерден алыс болады.

⠀

Ғалымдар: «Біреудің құшағында жүрген адамда сенімділік, өмірге деген құштарлық басым болады. Мұндай адамның көңіл-күйі де көтеріңкі болатыны анық. Құшақтасу адамға жайлылық, жылылық сыйлайды. Оның сезімдерін оятады», — дейді.

⠀

Жақынымен үнемі құшақтасып, оның жанында жүретін адамның иммунитеті мықты болады. Жүйке жүйесі мен эндокриндік жүйесі де тұрақты болады.

⠀

Сонымен бірге ерлі-зайыптылардың құшақтасуы қандағы гемоглабиннің мөлшерін қалыпты жағдайда ұстап тұрады.

⠀

Ендеше, жақыныңыздан жылуыңызды аямаңыз, құрметті оқырман!

Бұл өмірде бір-бірімізге жылылық сыйлап, бір-бірімізді құрметтеп жүргенге не жетсін?!

Алла ерлі-зайыптыларды бірін-бірі қинасын деп емес, бірін-бірі сыйласын деп қосқанын есіңізден шығармаңыз!