Notice: Constant WP_DEBUG already defined in /var/www/www-root/data/www/minialgo.kz/wp-config.php on line 52
Павлодарда латын қарпі негізіндегі қазақ тілі курстарының үшінші маусымы басталды — «ЕлАна» әлеуметтік, қоғамдық-танымдық сайты

Павлодарда латын қарпі негізіндегі қазақ тілі курстарының үшінші маусымы басталды

«Ана тілі» орталығында барлық санаттағы азаматтарға арналған латын қарпі негізіндегі қазақ тілі курстарының үшінші маусымы басталды. Облыстық тілдерді дамыту басқармасының маманы Дәулет Темірболат ,9k курс ҚР Тұңғыш Президенті, Елбасының «Болашаққа бағдар: рухани жаңғыру» бағдарламалық мақаласында айтылған қазақ тілін кезең-кезеңімен латын әліпбиіне көшіру жұмыстарын жүргізу және Тілдерді дамыту мен қолданудың 2011-2019 жылдарға арналған мемлекеттік бағдарламасын жүзеге асыру мақсатында өткізіліп жатқанын айтты.

— Шараның мақсаты – жаңа әліпби негізінде дұрыс жазу дағдыларын қалыптастыру, қазақ тілінің орфографиялық, фонетикалық, морфологиялық, лексикалық нормаларын үйрету, — дейді Дәулет Темірболат. — Сабақтар «Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылы 26 қазандағы №569 Жарлығына сәйкес бекітілген латын әліпби бойынша өткізіледі. Сонымен қатар «Егемен Қазақстан» газетінің 2019 жылғы 18 қаңтардағы санында жарияланған 2018 жылғы 6 желтоқсандағы Қазақстан Республикасы Үкіметінің жанындағы Қазақ тілі әліпбиін латын графикасына көшіру жөніндегі ұлттық комиссиямен мақұлданған «Жаңа әліпби негізіндегі қазақ тілі емлесінің ережелері» қолданылатын болады.

Курстарға мемлекеттік қызметшілер, денсаулық сақтау саласының мамандары және барлық санаттағы азаматтар қатысады. Айта кетерлігі, бұған дейін өткен екі маусымда «Тілдік келісім», «Жексенбілік бранч», «Отбасымен үш тілді үйренейік» жобалары аясында 260 адам оқу курстарымен қамтылған. Бұдан бөлек, тілдік фреш-тренингтерге 90 тәрбиеші қатысқан.

 

Әлихан Рахметоллаұлы

Добавить комментарий

Ваш e-mail не будет опубликован. Обязательные поля помечены *