САЙРАМДЫҚ ЖАСӨСПІРІМ БОКСШЫЛАР ОБЛЫСТЫҚ АЙМАҚТЫҚ ЧЕМПИОНАТҚА ЖОЛДАМА АЛДЫ

Сайрам ауданы, Ақсукент ауылында еліміздің Тәуелсіздік күніне және Ақсукент ауылдық округі әкімінің жүлдесіне арналған бокстан 2011-2012 жылдары туылған кіші жасөспірімдер арасында Түркістан облысының 3-аймақтық чемпионаты аяқталды.

Додалы жарыс Сайрам аудандық мәдениет, тілдерді дамыту, дене шынықтыру және спорт бөлімі мен «Ақсу жекпе-жек» спорт клубы коммуналдық мемлекеттік мекемесінің ұйымдастыруымен жоғарғы деңгейде өтті.

Жарыс барысында марапаттау рәсіміне Ақсукент ауылдық округі әкімінің орынбасары Нұрсұлтан Алиев арнайы қатысты. Жарыстың көркін қыздырған барлық қатысушыларға, жаттықтырушыларға және төрешілерге өз алғысын білдірді. Сонымен қатар жеңімпаз атанған спортшыларды марапаттады.

Бұл сайыста жеңіс тұғырынан көрінген спортшылар алда өтетін Түркістан облысының чемпионатына қатысатын болады.

Сонымен бес күнге жалғасқан Түркістан облысының 3-аймақтық чемпионатында жалпы командалық есепте: I орын — №5 ОРМБЖСМ, ll орын – Сайрам ауданы «Ақсу жекпе-жек спорт клубы» коммуналдық мемлекеттік мекемесінің, lll орын – Түлкібас ауданы командаларына бұйырды.

Түркістан облысы әкімінің баспасөз қызметі