САМҒА, ЖАС МАМАН!

Жаңатас көпсалалы колледжінде бітіруші түлектерге арналған «Самға, жас маман!» атты диплом тапсыру салтанатты шарасы өтті

Салтанатты шараға аудан әкімінің орынбасары Ерлан Ермағанбетов, Жаңатас қаласының әкімі Ілияс Домалақов, «Аманат» партиясы аудандық филиалының консультанты Мадина Пірімбек, аудандық мәслихаттың депутаты Бауыржан Балғабай, ата-аналар мен колледж ұжымы және жастар қатысты.

Салтанатты шарада аудан әкімінің орынбасары Ерлан Ермағанбетов сөз сөйлеп, жиынға қатысушыларды, мамандық иесі атанған жас мамандарды құттықтады. Жас мамандарға сәттілік тіледі.

Шара барысында бітіруші түлектерге дипломдар салтанатты жағдайда табыс етілді.

Сондай-ақ, жиынға қатысқан қонақтар мен ата-аналар тарапынан құттықтаулар айтылып, белсенді бітіруші түлектерге мақтау қағаздары табыс етілді.

Колледж директоры Нұрландия Туйтебаева ата-аналарға да алғыс хаттар тапсырып, жас мамандарға сәттілік тілеп, жолдары ашық болсын деген жылы лебізін білдірді.

Айта кету керек, Жаңатас көпсалалы колледжі 2023-2024 оқу жылын 479 студентпен аяқтады. Оның ішінде, 4 мамандық бойынша 112 түлек оқуды бітіріп, мамандық иесі атанды.

7 бітіруші түлек «үздік» диплом иегері атанды.