Сарысуда 500 тоннадан аса құм мен тұз аралас инертті материалдар себілді

Аудандық және облыстық маңызы бар жолдардағы және көшелердегі көктайғақ пен мұзды жібіту үшін құм мен тұз аралас инертті заттар себіліп жатыр.
Сонымен қатар, Жаңатас қаласының ішіндегі орталық көшелерге де баса назар аударылуда.
Облыстық маңызы бар жолдарды «Сарысу жолдары» ЖШС-і, аудандық маңызы бар жолдарды «Диана» ЖК-і және Жаңатас қаласының көшелерін тазалау, күтіп ұстаумен «МирАйсаудакент» ЖШС-і айналысады.
Осы кезеңге дейін 500 тоннадан аса құм мен тұз аралас инертті материалдар себілді.
Қыс мезгіліндегі жолдардың жағдайы салаға жауапты мамандар тарапынан бақылауда.
Сақтықта қорлық жоқ. Қыс мезгілінде ұзақ жолда жүргенде әрдайым сақ болу керек.

Сарысу аудан әкімдігі баспасөз қызметі