Шыбынның қанатындағы шипа!..

Бір атеист Пайғамбарымыздың(Оған Алланың сәлемі мен игілігі болсын) осы сөзінен үзінді келтіре отырып:

«Сіз — дәрігерсіз. Бірақ шыбынның қанатында қандай шипа болуы мүмкін?» деп кекесінмен сұрады. Өкінішке орай, ол кезде менің бүгінгідей білімім жоқ еді. Сондықтан:

-«Егер, Хадисте солай деп жазылса, онда шипа болуы тиіс. Себебі, мың жарым жылда Пайғамбардың (Оған Алланың сәлемі мен игілігі болсын)  хадисінен ғылым ешқандай қателік тапқан емес» деп жауап бердім.

Осы жақында ғана Құран мен Сүннеттің ғылыми негіздері туралы бір кітаптан мынандай дерекке кездестім:

1932 жылы Үндістанда безгек эпидемиясы лаулаған оттай тарай бастайды. Оның жойқындығы соншалықты, Үндістанның халқына түгел қырылып қалу қаупі туды. Бірақ дәрігерлер бір ғажапқа таң қалды. Шағын ғана ауылдың тұрғындары кеселден өздігімен айыға бастады. Ол жерге шұғыл арнайы комиссия жіберілді. Сөйтсе, тұрғындар шыбын түсіп жатқан ашық тұрған құдықтан су ішеді екен. Зерттеу барысында ол суда безгектің виброндары өздігінен өліп қалатыны белгілі болды. Сондай-ақ, суға түскен шыбынның бактериофаг бөлетіні анықталды. Яғни, бактериофаг та бактерия. Бірақ өзге бактерияны жеп тауысады. Бұл бактериофагтар жәй көзге ілінбейді, бар болғаны 20-25 микрон. Оны тек өте күшті, қазіргі заманғы микроскоппен ғана көре аласыз. Австралиядағы Маккуори университетінің профессоры Энди Битти бұл құбылысты жеке зерттеуге кірісті. Нәтижесінде, шыбынның ағзасында айналасының бәріне, микробтың кез-келген түріне қарсы әсер ететін мықты антибиотик бөлінетіні белгілі болды. Ол тіпті, шек құрттары мен «алтын түсті» стафилакоккты жойып жібереді екен!

Содан мынандай сұрақ туады: Пайғамбарымыздың уақытында миркоскоптар мен зертхана, ғылыми-зерттеу институттары болып па еді? Әрине, болмады! Мұхаммед Пайғамбар(Оған Алланың сәлемі мен игілігі болсын) тек бәрін білуші Алладан келген ілім-білімді ғана меңгерді!
Егер, бұл іске мұсылманның гигиеналық тәртібін: бес уақыт дәретті, ауызды шаюды, тамақ ішерден бұрын және кейін қол жууды, тырнақ алуды, денедегі артық түкті алып тастауды қоссақ — Исламның бұл жарық дүниеде адамдардың нығметі үшін және мәңгі әлемде құтқарушы болу үшін түсірілген нағыз дін екенін анық ұғасыз!

(Қысқарта отырып аударылды) Ерлан Әлмен