Су тасқынынан қырылған мал шығыны толық өтелді
Елдегі су тасқыны салдарынан ондаған ауданда төтенше жағдай жарияланып, 12 450 мал қырылған. Ауыл шаруашылығы вице-министрі Аманғали Бердалин елімізде су тасқыны кезінде қырылған мал шығындары толықтай өтелгенін айтты.
Вице-министрдің сөзінше тасқын басталған сәттен бастап жедел түрде шаралар қабылданып, 2024 жылғы 7 сәуірде республикалық штабта суға кеткен мал шығындарын өтеудің алгоритмін бекітілген.
Алгоритм мен қағидаттарға шығынды бюджеттен және бюджеттен тыс қаражат есебінен өтеу көзделген.
Су тасқыны кезінде 140 мыңға жуық мал қауіпсіз жерге көшірілді. Бүгінде жергілікті атқарушы органдардың жедел деректері бойынша республикада 12 450 мал қырылған, барлық өлексе жойылды, залал 100% пайыз өтелді, — дейді ол.
Abai.kz