🔰«СЫБАЙЛАС ЖЕМҚОРЛЫҚТЫҢ АЛДЫН АЛУДЫҢ ӨЗЕКТІ МӘСЕЛЕЛЕРІ» ТАҚЫРЫБЫНДА КЕЗДЕСУ ӨТТІ.

Жуалы аудандық Мәдениет үйінің кіші залында Жуалы ауданы әкімдігі ішкі саясат бөлімінің тапсырысы шеңберінде «Нығмет нұры» қоғамдық бірлестігінің ұйымдастыруымен «Сыбайлас жемқорлықтың алдын алудың өзекті мәселелері» бойынша кездесу өткізілді.

Кездесуге мәдениет, спорт саласының басшылары, мамандары, өкілдері және де қызығушылық танытқан тұлғалар қатысты.

Кездесуді «Нығмет нұры» қоғамдық бірлестігінің басшысы Сүйімқұл Шарапат Батырбекқызы ашып, жүргізіп отырды.

Мәдениет және тілдерді дамыту бөлімінің бас маманы Оразымбетова Фариза тақырыпқа байланысты өз пікірін білдірді. «Жуалы Адалдық алаңы» маманы Толымбек Бексұлтан «Сыбайлас жемқорлыққа қарсы іс-қимыл – әрбір азаматтың міндеті» тақырыбында өзекті ой толғады. Шарапат Батырбекқызы «Сыбайлас жемқорлыққа қарсы мәдениет қалыптастыруда отбасының рөлі» тақырыбында әңгіме өрбітті.

Кездесу соңында кері байланыс орнатылып, пікір, ұсыныстар тыңдалды.