«ТАҒЫЛЫМЫ МОЛ ТАРИХИ ТҰЛҒА!»

Бүгін аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымдарының докторы Дінмұхамед Ахметұлы Қонаевтың өмір жолы мен елімізге сіңірген еңбектерін, халқымызға жасаған игі істерін өскелең ұрпаққа кеңінен насихаттау мақсатында Жамбыл жоғары медициналық колледжінде «Тағылымы мол тарихи тұлға! атты рухани кездесу өтті. Аталған шараға Д.А.Қонаев атындағы халықаралық қордың Жамбыл облыстық бөлімшесінің төрағасы Асқарбеков Қибат Тлеуқұлұлы, К.Әзірбаев атындағы Жамбыл облыстық филармониясының әншісі Шағырбаев Бақыт Қысатайұлы, Ш.Мұртаза атындағы Руханият және тарихтану орталығының бөлімінің меңгерушісі Шайділдаев Асылжан Қасымбекұлы қатысып, баяндама жасады.