Толстой әлемі

Л.Толстойдың 22 жасында жазған өзінің өмір сүру дағдысына айналған алтын қағидаттары:

***
Əрқандай тəндік жаттығулардың машақатына шыдай біл, қиналғаныңды жұрт сезбесін.

***
Қолыңдағы мал-мүлкіңнің оннан бірін Құдай жолына садақа қыл.

***
Он есе байып кетсең де, өмір сүру дағдыңнан танба.

***
Қандай нəрсеге болмасын жан-жақты қарай білуді үйрен.

***
Таңертең тұрып бір күндік жоспар түз жəне оны жүзеге асыруды ұмытпа.

***
Басқалардың пікіріне бас қатырғаннан, өзіңше ойлай білуге тырыс.

***
Мансап үшін мал шашпа,
Атақ үшін ар сатпа.

***
Мүмкіндігінше тиімді деген жаттығулар ойлап тауып, сонымен өзіңді жаттықтыр.

***
Өзіңнен артылмайтынға — өзгені əуре етіп жүрме.

***
Ішкі сырларыңды құпия сақта, оны жер-жаһанға жар салып жүрме.

***
Жақын кісіңді жаныңдай жақсы көр.
Екі жақын кісіңді жаныңнан да қатты жақсы көр.

***
Барынша аз ұйықтауды əдетке айналдыр.

***
Күндіз оқып-үйренгендеріңді түнде қайтала.

***
Басы артық заттарыңды ел игілігіне жұмса.

***
Жақсылық жасаудың жолын тап.

***
Бəрін бірдей жақсы көре біл және бұл жақсы көруден өзің де тыс қалма.

***
Отансүйгіштік жолында ұсақ сезімдеріңді тия тұр.

***
Жағдай қаншалықты қиындай түссе, оған деген қарсы әрекет те соншалықты үдей түссін.

***
Барға қанағат қыл.

***
Бастаған ісіңді аяқсыз қалдырма…

Тəржіман: Б.М.