ТҰРҒЫНДАРҒА ЕСЕП БЕРУДЕ

Ауылдық округ әкімдерінің 2021 жылдың қорытындысы туралы тұрғындармен есепті кездесулері жалғасуда. ⠀

⠀

Әдеттегідей ауыл әкімдерінің есептерінен қысқаша ақпараттарды келтіріп өтейік.⠀

⠀

Бүгін Беларық ауылында Тәтті ауылдық округінің әкімі Талғат Әлметов есепті кездесуін өткізді. Аталған ауылда өткен жылы облыс әкімі Бердібек Машбекұлы Сапарбаевтың бастамасымен қолға алынған «Асарлатып үй салу» әдісімен Беларық көшесіның тұрғыны Е.Даулеткуловқа үй берілген. ⠀

⠀

Сұрат ауылдық округінің Аққайнар ауылында округ әкімі Жасұлан Жантелиев есеп берді. Былтыр округ бойынша, Тескентоған аулындағы «Ауыл – ел бесігі» бағдарламасы аясында құны 17,0 млн теңгеге, ұзындығы 1,8 шқ. Сыпатай көшесіне асфальт жол төселінген. Сұрат ауылында 30 келушіге арналған дәрігерлік амбулатория салынып, пайдалануға берілді. ⠀

⠀

Ақарал ауылдық округінің әкімі Ерлан Бекасиловтың есепті кездесуі Сыпатай батыр ауылында өттті. Ауылдық округте Тараз-Бишкек тас жолының бойындағы түнгі жарықтандыру шамдары ауыстырылған. 2021 жылы ауылдық округтен 18 адам мемлекеттік «Еңбек» бағдарламасы бойынша қайтарымсыз грант алып, өз кәсіптерін ашып, жұмыстарын атқаруда. ⠀

⠀

Кездесулер барысында ауылдық округ әкімдері тұрғындардың сауалдарына нақты жауап беріп, олар көтерген мәселелерді назарға алды.⠀

⠀

Ал, жалпы ауыл әкімдерінің есепті кездесулерінің жоғары деңгейде өткізілуі аудан әкімі Нұрсипатов Руслан Маратұлының жіті бақылауында. ⠀

⠀

Ертең сағат 10.00-де Ақермен ауылының Алтын арық ауылында, Андас батыр ауылдық округінің Чалдовар стансасында №3 мектепте, Тәтті ауылдық округінің Тәтті стансасында, Кеңес ауылдық округінің Жауғаш батыр ауылындағы М.Ахылбекованың үйінде, Сұрат ауылдық округінің Тескентоған ауылындағы №23 мектепте аталған округтердің әкімдері тұрғындар алдында есеп береді.