ТҮРКІСТАН: КЕНТАУ ҚАЛАСЫНДА ЖАҢА СПОРТ НЫСАНЫ САЛЫНАДЫ
Түркістан өңірінде соңғы кездері спорт саласына көңіл бөлініп келеді. Тұрғындардың бос уақытын тиімді өткізуіне жағдай жасау мақсатында түрлі әлеуметтік нысандар бой көтеруде. Соның ішінде Кентау қаласында дене шынықтыру-сауықтыру кешенінің құрылысы қолға алынған. Бүгін жұмыс сапарымен барған облыс әкімінің орынбасары Ертай Алтаев қала әкімі Жандос Тасовпен бірге бірқатар әлеуметтік нысандарды аралады. Қала әкімдігі мен жауапты басқармаға жұмыс барысын бақылауды тапсырды. Бұл бағыттағы тиісті ақпараттарды дер кезінде жолдап отыру қажеттігін айтты. Қала көшелерін жаяу аралап, «Таза Қазақстан» бағдарламасы негізінде тұрақты түрде іс-шаралар өткізуді атап өтті.
Жаңа спорт ғимаратына өткен жылдың соңында сараптама қорытындысы алынып, құрылыс жұмыстарына бюджеттік өтінім жолданды. Екі қабаттан тұратын нысанның жер аумағы 1,1348 га. Ғимараттардың жалпы ауданы: 3920,88 м2. Оның ішінде көркем гимнастика және жаттығу залы, әкімшілік ғимараты, киім ауыстыратын бөлмелер, дәретханалар, жаттықтырушы кабинеті жоспарланған.
Бұдан бөлек 1977 жылы пайдалануға берілген бокс мектебі мен Б.Саттарханов атындағы балалар және жасөспірімдер спорт мектебінің тыныс-тіршілігімен танысты. Екі мектеп те ағымдағы жөндеуді қажет етеді. Бүгінгі таңда құрылыс жасауға қажет ЖСҚ әзірленіп, облысқа қаржы сұрауға өтінім жіберілген. Қаржы қаралған бойда құрылыс жұмыстары атқарылмақ. Балалардың алаңсыз спортпен шұғылдануы үшін тиісті жұмыстар жүргізу қажет деді.
Жұмыс сапары Ш.Қалдаяқов атындағы мәдениет үйінде жалғасты. Аталған мәдениет ошағы 1977 жылы салынған арнайы типтік ғимаратта орналасқан. Көрермен залындағы орын саны – 525. Кіші залда – 200 орын. 2013-2015 жылдары қайта жөндеу жұмыстары жүргізілген. Мәдениет сарайына қарасты 4 ауыл клубы және 1 шығармашылық үйі қызмет атқарады. Жалпы мәдениет сарайы мен ауыл клубтарында 21 үйірме жұмыс атқарып келеді.
Сапар барысында Кентау қалалық орталық мешіт жанынан жаңадан салынып жатқан медресе құрылысымен танысты. 4500 шаршы метрді құрайды алаңға жатақхана, оқу ғимараты, спорт кешені, асхана кіреді. Демеушілер есебінен салынып жатқан жатақхана 120 адамға есептелген. 2023 жылы басталған құрылыс келесі жылы аяқталады деп жоспарлануда. Содан соң Жастар ресурстық орталығына барды. 2011 жылы жылы қолданысқа берілген орталықта 19 адам қызмет етуде. Үлкен акт залынан бөлек, 7 кабинет бар. Жастар мемлекетік бағдараламалар туралы арнайы мамандардан, сонымен қатар заңгер, психологтан кеңес ала алады. Түрлі спорт түрлері де қарастырылған.
Қазіргі таңда Кентау қаласының аумағын және оған іргелес елді мекендерді экологиялық дағдарысқа дейінгі жағдай аймағына жатқызу мақсатында 2 бағытта жұмыс жүргізілуде. Ертай Кенжебекұлы қаладағы 900 га құрайтын төтенше жағдайдағы қауіпті аймақты көріп, атқарылып жатқан жұмыстармен танысты.
Аталған аумақта тұрғын үй, су қабылдау сорғы станциясы және 10 өндірістік база бар. Алдағы уақытта бұл аумақтан объектілерді шығаруға қатысты мәселелер Қазақстан Республикасының заңнамасы аясында қаралатын болады деді.
Аталған аумақта тұрғын үй, су қабылдау сорғы станциясы және 10 өндірістік база бар. Алдағы уақытта бұл аумақтан объектілерді шығаруға қатысты мәселелер Қазақстан Республикасының заңнамасы аясында қаралатын болады деді.Түркістан облысы әкімінің баспасөз қызметі