Түркістанда ет өңдеу саласы дамып келеді
Еліміде Агроөнеркәсіп кешенін дамыту сынды ауқымды жобаның ішінде мал шаруашылығын дамыту бойынша еліміздің түкпір-түкпірінде қыруар шаруалар атқарылып жатыр. Мал нәсілін асылдандыру, ет, сүт бағытындағы ірі қараларды көптеп өсіру, мал бордақылу кешендерін салу, ет нарығын кеңейту сынды ілкімді істер ауылдағы еңбекқор ағайынның таыбсын молайтып қана қоймай, қосымша жұмыс орындарының көпте пашылуына кәдімгідей оң әсерін тигізуде.
Қазіргі таңда аймақтар арасында ет экспортында Түркістан обылсы ең жоғары көрсеткішке жеітп отыр. Құзырлы мекемелер таратқан мәліметтерге сенсек Қазақстаннан шетелдерге экспортталатын ірі қара мал етінің 80 пайызы, қой етінің 75 пайызы Түркістан облысынан шығады екен. Өңірдің кәсіпорындары тарапынан 2024 жылы қаңтар-шілде айларында 6,9 мың тонна сиыр еті мен 4,7 мың тонна қой етін экспортталыпты. Бұл көрсеткіштер алдағы уақытта тіпті де арта түсетін болады. Бұлай дейтініміз облыс көлемінде австралиялық мал шаруашылығы әдісі бойынша жалпы құны 55,2 млрд теңгені құрайтын бес ірі инвестициялық жобаны іске асыру қолға алынып жатыр.
Қазір үш бірдей инвестициялық жобаны жүзеге асыруға кірісіп жатқан «Кайып Ата» ЖШС 2025 жылы Арыста 25 мың бас ірі қара мал бордақылау кешенін іске қосуды жоспарлап отыр. 2025-2026 жылдары Сайрам ауданында қуаттылығы 1500 бас ірі қара мал сою және өңдеу кешені мен мал биржасы іске қосылады. Аталмыш кәсіпорын 2023 жылы Өзбекстанға 4500 тонна, Иранға 140 тонна ірі қара мал етін экспорттаған.
Иран мен Өзбекстанға ет экспорттап отырған кәсіпорындардың қатарында «Туран Агро Ет-Сут» ЖШС бар.
Облыс әкімшілігінің баспасөз қызметі таратқан мәліметке сүйенсек қазіргі таңда Түркістан облысында 1,1 млн бас ірі қара, 5,3 млн қой, 474,7 мың жылқы, 43,9 мың түйе және 2,2 млн бас құс бар екен. 2024 жылыдң қаңтар-шілде айлары аралығында облыста 112,8 мың тонна ет, 280,2 мың тонна сүт және 143,6 млн жұмыртқа өндіріліпті. Облыста ірі қара малға арналған 9183 бордақылау алаңы жұмыс істейді, оның ішінде сыйымдылығы 400-ден 1000 басқа дейінгі 13 алаң және сыйымдылығы 1000 басқа дейінгі 22 алаң бар екен.
Ерқазы Сейтқали