ТҮРКІСТАНДА ҚАР ТАЗАЛАУ ЖҰМЫСТАРЫ ЖҮРГІЗІЛУДЕ
Ауа райының күрт өзгеріп, қар жаууына байланыста өңір орталығындағы маңызы бар жолдар мен көшелерді қардан тазарту жұмыстары қолға алынып, қызу жүріп жатыр. Оған жұмысшылар мен арнайы техникалар жұмылдырылған. Қазіргі таңда 50 адамнан тұратын бригадалық топ көшелерді қардан тазарту жұмыстарына кіріскен.
Сонымен қатар қажетті техника да толық күшінде жұмыс істеп, қаланың басты көшелері мен қоғамдық орындарын тазалауға бағытталды. Айта кетсек, Батырбекова көшесі мен Арбат аумағында қардан тазарту жұмыстары қарқынды жүріп жатыр. Бұл аумақтар – қала тұрғындары мен қонақтары көп жиналатын орын. Сондықтан тұрғындардың қауіпсіз әрі қолайлы жүріп-тұруын қамтамасыз ету басты назарда.
Түркістан облысы әкімінің баспасөз қызметі