ТҮРКІСТАНДЫҚ СПОРТШЫ БОКСТАН «СТРАНДЖА КУБОГЫНЫҢ» ЕҢ ҮЗДІК БОКСШЫСЫ АТАНДЫ
Болгарияда өткен 76-шы «Странджа кубогы» халықаралық турнирі өз мәресіне жетті. Қазақстан құрамасының жігіттері 5 алтын, 9 күміс, 4 қола еншілеп, жалпы есепте бірінші орынға ие болды. Ұлттық құрама сапында өнер көрсеткен Түркістан облысының үміттері де жоғары дәрежеде өнер көрсетіп, ел құрамасының топ жаруына өз үлестерін қосты.Айта кетейік, 67 келіде жұдырықтасқан Төрехан Сабырхан барлық қарсыласын тізе бүктіріп, жеңімпаз атанып, «Странджа кубогы» халықаралық турнирінің «Ең үздік боксшысы» номинациясына ие болды. Ал 63,5 келідегі жерлесіміз Мұхаммедсабыр Базарбайұлы финалда қазақстандық Ертуған Зейнуллиновпен қолғап түйістіріп, турнирдің күміс жүлдесіне қол жеткізді.Сондай-ақ әйелдер арасында түркістандық қос бұрымды 66 келідегі Гаухар Шайбекова мен 75 келідегі Шұғыла Нәлібай қола медальді қанағат етті. Осылайша түркістандық жұдырықты ерлер мен әйелдер жалпы 4 медаль еншілеп, ұлттық құраманың топ жаруына өз септіктерін тигізді.
Ұлттық құрама сапында жүлде салған боксшылар тізімі:Ерлер арасында алтын жүлдегерлер:
63,5 келі — Ертуған Зейнуллинов67 келі — Төрехан Сабырхан71 келі — Аблайхан Жүсіпов75 келі — Сабыржан Аққалықов86 келі — Бекзад НұрдәулетовКүміс жүлдегерлер:
51 келі — Даниал Сәбит54 келі — Тимур Қабдешов60 келі — Серік Теміржанов63,5 келі — Мұхаммедсабыр Базарбайұлы71 келі — Фарух Тоқтасынов75 келі — Тимур Нұрсейітов80 келі — Ерасыл Жақпеков86 келі — Нұрбек Оралбай+92 келі — Айбек ОралбайҚола жүлдегерлер:
48 келі — Теміртас Жүсіпов57 келі — Оразбек Асылқұлов60 келі — Талғат Сырымбетов92 келі — Данияр РахымбердиновӘйелдер арасында алтын жүлдегер:81+ келі — Ляззат КүнгейбаеваКүміс жүлдегерлер:48 келі — Әйгерім Сәттібаева54 келі — Әнел Сақыш57 келі — Айдана Забынбекова60 келі — Римма Волосенко81 келі — Жібек Жарасқызы81+ келі — Дина ИсламбековаҚола жүлдегерлер:50 келі — Элянур Тұрғанова52 келі — Жансая Рахымберді52 келі — Жазира Орақбаева54 келі — Сымбат Әлиасқар63 келі — Лаура Есенгелді66 келі — Гаухар Шайбекова70 келі — Азиза Исина75 келі — Шұғыла Нәлібай.
Түркістан облысы әкімінің баспасөз қызметі