ТҮРКІСТАНДЫҚ СПОРТШЫ ЖҮЗУДЕН АЗИЯ ЧЕМПИОНЫ АТАНДЫ

Филлиппин мемлекетінің Нью-Кларк Сити қаласында су спорты түрлерінен Азия чемпионаты өтіп жатыр. Айтулы додада ел қоржынына алтын медаль түсті. Оны ұлттық құрама сапындағы түркістандық спортшы Аделаида Пчелинцева жеңіп алды. Аделаида 100 метр қашықтыққа брасс әдісімен жүзуде алдына жан салмады. Сөйтіп, Қазақстанның Әнұранын шырқатты.

Жалпы жүзу бәсекесіне Азия құрлығының 35 елінен 800-ден астам спортшы 114 медаль жиынтығы бойынша сынға түсуде.

Бас бапкер Илья Гусаков бастаған Қазақстан құрамасы бағдарламаның 50 түрінен жиырма бір спортшыны алып барды. Олардың арасында алғаш рет Түркістан облысынан Софья Спаренко, Аделаида Пчелинцева және Дария Токтобаева өнер көрсетуде. Аталған спортшылардың бәрі – Денис Жарменов басқаратын Су спорты түрлерінен Түркістан облыстық спорт мектебінің өрендері.