Ұлттық Құрылтайдағы ұнамды сөздер
Соңғы жылдары біз ұлттық бірегейлігіміздің маңызды факторы – тарих ғылымының дамуына ерекше көңіл бөліп жатырмыз. Бүгінгі Құрылтай тағы бір тарихи белеске тұспа-тұс келді. Биыл ел астанасын Қызылордаға көшіру туралы тарихи шешімнің қабылданғанына жүз жыл толып отыр, — деді Президент.
Мемлекет басшысы келісі құрылтайды Сыр бойында өткізуді ұсынды.
Осы ретте Құрылтайдың келесі отырысын Сыр бойында, кезінде Қазақ елінің астанасы болған Қызылорда қаласында өткізуді ұсынамын, — деді Президент.
Тағы бір жағымды жаңалық, Астанадан Торғай, Ырғыз арқылы Каспийге тура шығатын көлік жолы салынады. Оралға баратын жол әлдеқайда қысқаратын болды.
Ұлттық құрылтайда Мемлекет басшысы Қасым-Жомарт Тоқаев қоғамда тіл тигізу көбейіп кеткенін тілге тиек етті.
Бүгін (Ұлттық құрылтайда) Бекзат Алтынбеков, одан бұрын Бақтықожа Ізмұхамбетов пен Светқали Нұржан қоғамдық әдеп мәселесін қозғады. Бұл өте орынды деп ойлаймын. Қазір әлеуметтік желіде адамға тіл тигізу, ар-намысын аяққа таптау көбейіп кетті. Жалған мәлімет таратушылар бар. Мұндай келеңсіз үрдістерді тыю жолын қарастыру керек, – дейді Қасым-Жомарт Кемелұлы.
Салық жүйесі, бұл – бүкіл мемлекеттік жүйенің тірегі. Бюджетте қаржы болмаса, мемлекет өз міндетін толық атқара алмайды, әлеуметтік міндеттемелер де орындалмайды. Еліміз үшін аса қажет шаралардың мән-маңызын халыққа егжей-тегжейлі түсіндіру керек. Жұрттың бәрі экономист немесе қаржыгер емес, — деді Президент.