«Ұлы Дала» фестивалі Ертіс-Баян өңірінде

Көшпенді қазақ мемлекетінің құндылықтарын, қазақ халқының ұлттық салт-дәстүрі мен мәдени байлығын паш ететін «Ұлы Дала» фестивалі Ертіс-Баян өңірінде осымен үшінші жыл қатарынан ұйымдастырылмақ. Биыл бұл аса ауқымды шара 3-5 тамыз күндері өтеді деп жоспарлануда. Облыстық ішкі саясат басқармасының хабарлауынша, 100-ден астам киіз үйден тұратын этноауыл орнатылады. Той «Павлодар – Астана» тас жолындағы Ертістің оң жағалауында болады. Сайтымызға сол шараның бағдарламасын арнайы жариялап отырмыз.