Ұмытылған ұлт дәстүрлері: Қапқа салар

Қалыңдығын алуға келген күйеу бардық жол-жоралғыларымен, яғни құдалық кәделерімен, үлкендерге арналған сый-сияпатымен, той малымен келеді. Той басталады. Қыз өз үйінен аттанар алдыда оның әкесі барлық құдаларға киіт кигізеді.
⚜️ Күйеу баласына да сыйлық береді. Бірақ ол киіт емес, «қапқа салар» деп аталады. Ол бағалы киім, қымбат ер тоқым, жігіт жарақтары немесе мал болуы да мүмкін. Әрине, бұл қайын атаның дәулеті мен мырзалығына, абырой-беделіне сай жасалатын жолды дәстүр.