«Үлкенге құрмет» жобасы аясында Тұңғышбай Өміртайұлына құрмет көрсетілді

«Үлкенге құрмет» жобасы аясында Алаш Арыстары туған мекеннен нәр алып, қазақ руханияты мен мәдениетінің дамуына өлшеусіз үлес қосып келе жатқан Тұңғышбай Өміртайұлына «Рухани жаңғыру» өңірлік жобалық кеңсесінің басшысы Айтбай Ботпайұлы арнайы алғыс хат табыстап, «Нұр-Әсем» сән үйінің басшысы Венера Әбдуғалиқызы иығына шапан жапты.

Тұңғышбай Өміртайұлы — Республикаға белгілі өлкетанушы, мәдениеттанушы, ұстаз.

«Ақтоғай археологиялық-этнографиялық мұражайы», «Ел тарихы – рухани қазына», «Ақтоғай өнерінің шамшырақтары», «Алаштың Әлиханы», «Ақтоғай жер-су атаулары» атты кітаптары жарық көрген. «Ақтоғай энциклопедиясын» жинақтап жазып, құрастырушы, бас авторы.

Алаш қайраткерлерінің есімдерін жаңғыртуда, бабалар рухтарын ұлықтауда жаңа қадамдар жасап , рухани мәдени шаралардың ұйымдастырушысы.

Жомарт Шаймұрат