В.Зеленский:  «Президент — пір емес!»

Кеше Владимир Зеленский ресми түрде Украинаның президенті атанып, ант қабылдады. Ұлықтау рәсімі кезінде мәлімдеме жасаған Украинаның жаңа басшысы шенеуніктерге өз кабинеттерінде президент суретін ілуді доғару қажеттігін айтты. Сондай-ақ ол осы ұлықтау рәсімі кезінде Жоғарғы раданы таратып жіберді. Шенеуніктердің жұмыс орнынан өз суретін көргісі келмейтінін баса айтқан су жаңа мемлекет басшысы: «Сіздердің кабинеттеріңізде менің суретім болғанын қаламаймын. Өтінемін, менің портретім болмау керек. Себебі президент — пір емес, портрет емес. Оның орнына өз балаларыңның суретін іліп қойыңдар. Әрбір шешім қабылдар алдында солардың көзіне қараңдар»,— деп кеңес беріп, украиналықтардың күліп жүруі үшін қолынан келгеннің бәрін істейтінін жеткізді.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған