🔰«World Robot Olуmpiad – 2023» чемпионатында облыс оқушылары ІІІ орынды иеленді

Ағымдағы жылдың 24-25 тамыз күндері Алматы қаласындағы химия-биология бағытындағы Назарбаев Зияткерлік мектебінде робототехника бойынша «World Robot Olympiad» республикалық чемпионаты өтті.
«Әлемді біріктіреміз» тақырыбында өткен ұлттық олимпиадада жас робототехниктер төрт санат бойынша бақ сынасты:
«Future Engineers»
«RoboMission»
«Future Innovators»
«RoboSports»
Республикалық чемпионатқа Байзақ ауданының және Тараз қаласының білім беру ұйымдарының 6 командасы қатысты.
Нәтижесінде «Future Engineers» санаты бойынша Байзақ ауданы, №1 мектеп-гимназиясының «SpaceX» командасы – Естай Мұратбай, Алихан Абдықали жүлделі III орынды иеленді.
Сонымен қатар, «RoboMission» санаты бойынша Байзақ ауданы, Н.Киікбаев атындағы мектеп-гимназиясының «IT-Kiikbai» командасының мүшесі Қуаныш Құралай «Үздіктер рейтингіне енген» номинациясына ие болды.
Жеңімпаз оқушыларды және оларды дайындаған педагогтарды жеңістерімен құттықтаймыз!

Жамбыл облысының білім басқармасы